Abanyeshuri 8 b’Abanyarwanda biga ikoranabuhanga bari mu mahugurwa bahawe na Huawei, mu rugendoshuri mu Bushinwa bishimiye amahirwe bahawe yo kwiga umuco w’Abashinwa n’ururimi rwabo banashishikariza abandi Banyarwanda kumenya uru rurimi kuko ari ingenzi mu bucuruzi .

Abanyeshuri b'abanyarwanda bari mu mahugurwa bahawe na Huawei mu bushinwa bari mu byishimo nyuma yo guhugurwa mw'ikoranabuhanga

Aba banyeshuri 8 batoranyijwe mu banyeshuri 52 bo muri Kaminuza zitandukanye zo mu Rwanda biga ibijyanye n’ikoranabuhanga.

Bahagurutse mu Rwanda ku wa 18 Ukwakira 2018 bagiye gukarishya ubumenyi bwabo mu ikoranabuhanga mu Bushinwa, bajyanywe n’ikigo cy’ikoranabuhanga HUAWEI muri gahunda yayo yise “Seeds for the Future program’’.


Si urugendoshuri mu ikoranabuhanga bahawe na Huawei, gusa aba banyeshuri bakoze kuko banahawe amahirwe yo kwiga ururimi rw’Igishinwa n’umuco wabo binyuze muri Kaminuza y’umuco ya Beijing.

Abanyeshuri b'abanyarwanda bari mu mahugurwa bahawe na Huawei mu bushinwa bari mu byishimo nyuma yo guhugurwa mw'ikoranabuhanga

Ayinyeretse Peace avuga ko yishimiye amahirwe yahawe na Huawei yo kwiga ururimi rw’Igishinwa ashimangira ko bizamufasha guhigika benshi ku isoko ry’umurimo.

Yagize ati “Dukeneye kwiga Igishinwa kuko Ubushinwa ari igihugu gikize cyane, kugira ngo tubone kuri ubwo bukire bw’Ubushinwa. Dukeneye ururimi rwabo nk’ikiraro kiduhuza n’Abashinwa ndetse nzakomeza kurwiga n’igihe nzaba ngarutse mu Rwanda.”

Nshogoza Rene Christian nawe wiga muri kaminuza y’ubucuruzi n’ubukerarugendo yashimishijwe no kumenya urundi rurimi mpuzamahanga rwiyongera zindi zikoreshwa mu Rwanda anashishikariza abandi kwihatira kumenya izindi ndimi.

Umwarimu muri Kaminuza ya Beijing Culture yashimye cyane imyitwarire y’Abanyarwanda avuga ko bagaragaza ubushake bwo kumenya urundi rurimi rwiyongera kuzo basanzwe bazi ndetse ko n’uburyo yababonye bazakomeza kwiga Igishinwa nubwo bazaba batari mu Bushinwa.


Aba banyeshuri uko ari 8 bagize n’amahirwe yo gusura ibikorwa bikomeye byaranze amateka y’Ubushinwa nk’urukuta rukomeye rwubtswe mu myaka 2000 ishize (Great Wall in Beijing) rukaba rusurwa n’abakerarugendo barenga 80.000 buri munsi. Nyuma yo gusura ibikorwa bitandukanye no kwiga ururimi, aba banyeshuri kuwa gatanu w’iki cyumweru tariki 9 Ugushyingo 2018 barajya mu Mujyi wa Shenzen aho bagiye gukarishya ubwenge mu mirimongiro y’ikoranabuhanga ijyanye na internet ya 5G no gufata andi masomo ahambaye ya mudasobwa.

Leave a Reply