Minisiteri y’Ubutegetsi bw’Igihugu mu Burundi, itangaza ko ishyaka rishya rya Agathon Rwasa ridashobora guhabwa ibyangombwa nk’ishyaka ryemewe n’amategeko nyuma yaho bigaragaye ko ritujuje ibisabwa.

Burundi: Ishyaka rishya (FNL) rya Agathon Rwasa ryanzwe

Iyi Minisiteri yabinyujije mu itangazo yageneye umuyobozi w’iri shyaka FNL (Front National de Liberté), Agathon Rwasa, imumenyesha ko ibirango n’izina rikoresha bisa n’iby’irindi shyaka FNL (Front National de Liberation).


Urwo rwandiko BBC dukesha iyi nkuru yabonye, rugira ruti “Tumaze gusuzuma neza dosiye, twasanze ko ibimenyetso n’intego by’ishyaka ryawe usabira kwemerwa bisa n’iby’irindi shyaka ryamaze kwemerwa na Leta,.. Nta shyaka na rimwe rya Politiki rishobora gufata izina, intero cyangwa ibimenyetso bisa n’iby’irindi shyaka.”

Muri Nzeri nibwo Hon. Agathon Rwasa yatangaje ku mugaragaro ko yashinze ishyaka rishya rya FNL-Amizero y’Abarundi, Umuyobozi wa FNL yari isanzweho, Jacques Bigirimana avuga ko iri shyaka rishya rya Rwasa ridakwiye kwemerwa na Leta, ashimangira ko izina n’ibirango ari iby’ishyaka ryabo ryari risanzwe rya FNL (Front National de Liberation).

TANGA IGITEKEREZO KURI IYI NKURU