Umuhanzi nyarwanda King James yemera ko indirimbo ze zimaze kubaka ingo nyinshi cyane, anavuga ko iminsi yo kubaka urugo rwe agashaka umugore yegereje.

King James yavuze ko iminsi yo kubaka urugo rwe agashaka umugore ko yegereje

Ruhumuriza James uzwi nka King James mu muziki nyarwanda yavuze ko indirimbo ze zimaze kubaka ingo nyinshi hatarimo urwe, gusa kuri ubu nawe ngo imyiteguro iregereje, kugirango nawe yubake urwe ave mu mubare w’abasiribateri batuye mu mujyi wa Kigali.


Ibi King James yabitangaje ubwo yaganiraga na X Large Tv, ubwo yabazwaga impamvu atajya yerura ngo avuge igihe azakorera ubukwe, mu gihe indirimbo ze zifashishwa akenshi zubakwa ingo zabandi, maze mu magambo asubiza ko buri mu myiteguro irimbanyije.

Yagize ati: “Nanjye urwanjye ruri imbere .. ruraje.”  Abajijwe niba afite afite umukunzi,  yasubije ko “….buri kimwe ari gushakisha kuva kuri zeru.”

Yakomeje avuga ko indirimbo ye nshya ishingiye ku bitekerezo by’abandi, bitewe n’uburyo bahura n’abakobwa bagahita bagira ibitekerezo byo gukundana nabo. Yaboneyeho no kuvuga ko bitamubayeho gusa biba ku bandi.

King James nubwo yakunze kugenda avugwa mu nkundo n’abakobwa batandukanye, ni umwe mu bahanzi nyarwanda batajya bavuga ku nkundo zabo gusa amakuru avugwa ngo nuko ko uyu musore wubatse ahazwi nko ku Ruyenzi yaba asigaye afite umukunzi.

Leave a Reply