Manishimwe Djabel w’imyaka 22 ukinira ikipe ya Rayon Sports yamaze gutera ivi yambika impeta y’urukundo umukunzi we Niyitunganye Kawthar amusaba kuzamubera umugore nyuma y’imyaka 2 bamaze bakundana.

Manishimwe Djabel wa Rayon Sports yateye ivi asaba umukunzi we kuzamubera umugore

Imbere y’inshuti n’abavandimwe, Manishimwe Djabel yasabye Niyitunganye Kawthar ko yamubera umugore cyane ko muri iyi myaka 2 bamaranye, yashimye uburere bwiza yahawe ndetse n’imico ye izira amakemwa.


Uyu muhango wabaye kuri uyu Gatandatu tariki 3 Ugushyingo 2018 ndetse witabiriwe n’umutoza Robertinho wa Rayon Sports na bamwe mu bakinnyi bakinana na Djabel muri Rayon Sports barimo Kapiteni Manzi Thierry, Mugisha Francois bakunda kwita Master, Bimenyimana Bon Fils Caleb, Ndayisenga Kassim na Tumushime Ally Tidjan akaba na murumuna wa Djabel.

Ubwo Djabel yasabaga Niyitunganye ko yazamubera umugore, uyu nawe ntiyazuyaje kubimwemerera imbere y’abantu bose ndetse mu minsi iri imbere bazashyira hanze ibyerekeye ubukwe bwabo.

Leave a Reply