Myugariro wa APR FC n’ikipe y’igihugu Amavubi, Ombolenga Fitina, arifuzwa n’ikipe ya Gor Mahia yo muri Kenya ngo asimbure myugariro wayo Nizigiyimana Karim Makenzi utakiri kurwego rwiza iyi kipe yifuza.

Myugariro wa APR FC Ombolenga Fitina arifuzwa na Gor Mahia FC yo muri Kenya

Gor Mahia FC yatwaye igikombe cya shampiyona muri Kenya ikomeje kwiyubaka igura abakinnyi inakina imikino ya gicuti itandukanye dore ko kuri ubu yamaze kwerekeza mu Bwongereza aho ku wa 6 Ugushyingo 2018 izakina umukino wa gicuti na Everton kuri Stade Goodison Park mu Bwongereza.

Kugeza ubu Ombolenga Fitina ntakintu aratangaza kuri iyi nkuru ngo kuko amakipe yombi atarumvikana ku igura n’igurishwa rye cyane ko agifite amasezerano mu ikipe ya APR FC. Gusa abashinzwe kugura abakinnyi mu ikipe ya Gor Mahia bamaze kwegera uyu mukinnyi.

Myugariro wa APR FC Fitina Ombolenga arifuzwa na Gor Mahia FC yo muri Kenya
Ombolenga ni umwe mu bakinnyi ngenderwaho mu ikipe ya APR FC

Ombolenga Fitina mu 2017 ubwo muri Kenya haberaga CECAFA Senior Challenge Cup, uyu mukinnyi yaje mu bakinnyi 11 bitwaye neza  muri iryo rushanwa nubwo Ikipe y’u Rwanda yo yari yasezerewe mu matsinda.

Leave a Reply