Mu gihe indwara zitandura zikomeje kwibasira zikanahitana benshi ku isi abantu bakwiye kumenya ko mu mbuto zose urubuto rwa Pomme rufite umwihariko wo kurwanya indwara nyinshi zirimo diyabete, kanseri,umutima ndetse n’iyumuvuduko w’amaraso.

Image result for apple fruit

Abongereza bagira umugani wumvikanisha neza akamaro ka apple uvuga “pomme imwe ku munsi yirukana muganga” uyu mugani wumvikanisha neza akamaro ka pome berekana ko gufata imbuto zirimo intungamubiri zihagije byakurinda guhora kwa muganga bya buri mwanya ujya kwivuza indwara.

Kurya urubuto rwa Apple bigabanya ibyago byo kwandura indwara zitandura nka Diyabete n’izindi ziterwa n’isukari nyinshi bitewe nuko pomme igabanya ingano y’isukari mu mubiri kandi yifitemo ubushobozi bwo kugabanya umuvuduko w’amaraso bizwi nka Hypertension ndetse ikanarinda uburwayi bw’umutima, pomme yabasha kugabanya umubyibuho ukabije ndetse no kuziba kw’imiyoboro y’amaraso kandi igabanya ibyago byo kwandura kanseri.

Ubushakashatsi bwerekana ko ibyo kurya bikungahaye kuri fibre nka pome bigabanya cholesterol mu maraso kuko iyo ari nyinshi itera kuziba kw’imwe mu miyoboro y’amaraso bigatuma amaraso atagera neza mu mutima.uru rubuto rubonekamo imyunyungugu itandukanye nka potasiyum, Kalisiyum, Manyeziyum, fosifate ndetse na vitamine zindukanye nka vitamine C,E, K, B1,B2 ,B3 ,B5, B6, B9.

Abahanga mu by’ubuzima batanga inama bavuga ko mugihe umuntu yaba amaze gufata amafunguro (kurya) cyangwa mubindi bihe bisanzwe, ari byiza cyane gufata urubuto rwa pome,ni byiza kandi ko mbere yo kurya urubuto rwa pome ari ngombwa kubanza kururonga neza mumazi meza mu rwego rwo kwirinda indwara zikururwa nisuku nke y’ibiribwa ndetse tukibuka no gukaraba intoki mbere yo kurya uru rubuto rwa pome hamwe nandi mafunguro asanzwe.

TANGA IGITEKEREZO KURI IYI NKURU