Umuyobozi w’ishyaka riharanira iterambere ry’abaturage (ECIDE), Martin Fayulu, niwe watowe n’ abatavugarumwe n’ubutegetsi ngo azahatanire kuba Perezida wa Repubulika iharanira Demukarasi ya Kongo mu izina ryabo.

RDC: Abatavugarumwe n’ ubutegetsi bashyizeho umukandida uzahatanira kuba Perezida

Fayulu yatorewe mu matora yabereye I Geneve kuri iki Cyumweru tariki 11 Ugushyingo 2018.

Iri tora ryo guhitamo uzahagararira abatavugarumwe n’ ubutegetsi bwa Kongo ryitabiriwe na Jean-Pierre Bemba, Moise Katumbi, Adolphe Muzito, Freddy Matungulu, Martin Fayulu, Vital Kamerhe na Félix Tshisekedi .

Abatavugarumwe n’ubutegetsi muri Kongo baganiriye kuri gahunda imwe, uburyo bwo kubona ingengo y’ imari, n’ ikipe yo kwamamaza.

Kofi Annan Foundation yabasezeranyije ko izababera umuhuza kugira ngo badacikamo ibice.

Amatora y’umukuru w’igihugu muri Repuburika Iharanira Demukarasi ya Kongo ateganyijwe mu mpera z’uyu mwaka mu kwezi k’Ukuboza.

IGITEKEREZO 1

TANGA IGITEKEREZO KURI IYI NKURU