itsinda rya Sauti Sol ryageze i Kigali aho rigiye gutaramira abanyarwanda, mu gitaramo gikomeye rirahuriramo na Charly na Nina ndetse na Bruce Melodie.

Iki gitaramo kiraba kuri uyu wa Gatanu kirasoza inama imaze iminsi ine ivuga ku iterambere ry’ibidukikije yiswe ‘Africa Green Growth Forum’ iteganyije no gutangirwamo ibihembo ku babaye indashyikirwa mu kubungabunga ibidukikije.

Iki gitaramo kirabera mu Intare Conference Arena i Rusororo mu Karere ka Gasabo mu Mujyi wa Kigali, guhera saa moya z’umugoroba.

Sauti Sol yaherukaga mu Rwanda mu gitaramo cya Fespad yatumiwemo ikagera i Kigali ariko igataha itaririmbye.

Aba basore basesekaye i Kigali mu gitondo cyo kuri uyu wa Gatanu ahagana saa 6: 45’.

Iri tsinda ry’abanyakenya rimaze kubaka ibigwi, ryashinzwe mu 2005. Rigizwe n’abasore bane; Bien-Aimé Baraza, Willis Chimano, Savara Mudigi, Polycarp Otieno.

Rikunze gutumirwa cyane mu Rwanda ndetse mu kiganiro bigeze kugirana na televiziyo yo muri Ghana yitwa Zone Three 6, muri Werurwe uyu mwaka ryavuze ibihugu 10 ryisangamo kurusha ibindi ku Isi bitari Kenya bavukamo, u Rwanda ruza ku mwanya wa mbere.

TANGA IGITEKEREZO KURI IYI NKURU