Umutoza mushya wa Manchester United, Ole Gunnar Solskjaer yemerewe guhabwa agahimbazamusyi k’agera kuri Miliyari 2 z’u Rwanda  mu gihe Manchester United izaba irangije shampiyona y’Abongereza iri mu makipe ane ya mbere, ibonye ticket ya Champions League.Agatubutse kuri Ole Gunnar Solskjaer mu gihe Man U ibonye ticket ya Champions League

Mu minsi ishize ni bwo uyu mutoza yahawe inshingano zo gutoza ikipe ya Manchester United nyuma y’uko iyi kipe yari imaze gusezerera Jose Mourinho wari umaze amasaha make atsinzwe 3-1 na Liverpool.


Magingo aya Manchester United iri ku mwanya wa gatandatu ku rutonde rwa shampiyona y’Abongereza n’amanota umunani na Chelsea iza ku mwanya wa kane.

Ikinyamakuru the Mirror cyo mu Bwongereza cyanditse ko mu gihe Manchester United yaba ibuze itike ya UEFA Champions league, byayitera guhomba angina na miliyoni 40 z’ama Euros.

Kubura muri iyi mikino kandi byatuma Manchester United igabanyirizwa amafaranga n’abaterankunga cyo kimwe n’uduhimbazamusyi tumwe na tumwe. Cyakora cyo mu gihe umutoza Solskjaer yaba ashyize Manchester United mu makipe ane ya mbere izi mbogamizi zose zavaho.

Amakuru avuga ko Ed Woodward usanzwe ari umuyobozi wungirije wa Manchester United yemereye uyu mutoza Ole Gunnar Solskjaer miliyoni ebyiri z’ama Euro nk’agahimbazamusyi mu gihe iyi kipe yaba ibonye itike ya UEFA Champions league.

Iyi tike kandi iha uyu mutoza amahirwe yo kugirwa burundu umutoza wa Manchester United.

Agatubutse kuri Ole Gunnar Solskjaer mu gihe Man U ibonye ticket ya Champions League

Ku bw’uyu Solskjaer ukomoka muri Norvege, ngo Manchester United ikenewe n’abatoza benshi na we arimo, akaba ari yo mpamvu agomba gukoresha amahirwe yahawe akabyaza umuso amahirwe yahaweshobora kumugira umutoza wa Manchester United burundu.

IREBERE VIDEO NHYA YA EESAM YISE WOWE GUSA:

IGITEKEREZO 1

TANGA IGITEKEREZO KURI IYI NKURU