Mu ijonjora rya nyuma ryo kwerekeza mu matsinda ya CAF Confederations Cup, ikipe ya Mukura VS yongeye gutombora ikipe yo muri Sudan aho igomba guhura na Al Hilal mu mikino 2 yo gukuranamo.

CAF Confederations Cup: Mukura VS igiye kongera guhura n'ikipe yo muri Sudan

Mukura VS yari itegereje ikipe bizahura kuri uyu wa Gatanu taliki ya 28 Ukuboza 2018 muri Tombola ya CAF, yamaze gutombora ikipe y’ikigugu ya Al Hilal ifite amateka muri ruhago nyafurika ndetse no muri Sudan.


Mukura VS izabanza kwerekeza I Khartoum hagati ya Taliki ya 11,12 na 13 Mutarama umwaka utaha mu gihe umukino wo kwishyura izawakirira I huye hagati ya taliki ya 18,19 na 20 Mutarama 2019.

Mukura VS yageze mu ijonjora rya nyuma itsinze amakipe 2 y’ibigugu arimo Free State Stars na Al Hilal Obaid nayo yo muri Sudan.

CAF Confederations Cup: Mukura VS igiye kongera guhura n'ikipe yo muri Sudan

Al Hilal yambara ubururu n’umweru, yasezerewe na Club Africain mu mikino ya CAF Champions League iyitsinze ibitego 3-2 mu mikino yombi dore ko mu mukino ubanza yatsindiye iwayo 1-0, itsindirwa muri Tunisia ibitego 3-1.

Al Hilal (Omdurman) niyo kipe ifite ibikombe byinshi muri Sudan kuko kuva yashingwa muri 1930 imaze kwegukana shampiyona inshuro 27,yegukana ibikombe by’igihugu 7 ndetse yageze ku mukino wa nyuma wa CAF Champions League 2.

CAF Confederations Cup: Mukura VS igiye kongera guhura n'ikipe yo muri Sudan
Mukura VS yatomboye Al Hilal yo muri Sudan

Mukura VS ifite ubusatirizi budakanganye,irasabwa kwisubiraho kuko igiye guhura n’imwe mu makipe akomeye ku mugabane wa Africa.

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU