Umuhanzi Diamond Platnumz mu kwihimura kuri Zari batandukanye mu ntangiriro z’uyu mwaka turimo gusoza yatangaje itariki azakoreraho ubukwe n’umukunzi we mushya Tanasha Donna.

Diamond yatangaje itariki azakoreraho ubukwe n'umukunzi we mushya Tanasha Donna

Diamond yamaze gutangaza y’uko tariki 14 Gashyantare 2019 ari bwo azambikana impeta n’umunyamakuru Tanasha Barbieri Oketch bamaze iminsi mike bari mu rukundo, aho yamutatse avuga ko ari umukobwa wamurutiye abandi bose bagiranye ibihe byiza barimo na Zari Hassan wamubyariye abana babiri.


Umunyamakuru  Tanasha Barbieri Oketch w’imyaka 22 uri mu rukundo na Diamond akoresha amazina ya Zahara Zaire ku mbuga nkoranyambaga. Yagaragaye bwa mbere mu ruhame ari kumwe na Diamond ubwo yajyaga kumwakira ku kibuga cy’indege mpuzamahanga cya Jomo Kenyatta, ubwo uyu muhanzi yiteguraga kuririmbira mu iserukiramuco ‘Thika’

Diamond yatangaje itariki azakoreraho ubukwe n'umukunzi we mushya Tanasha Donna

Nairobi News yanditse ko mu kiganiro bagiranye na Diamond, yatangaje ko atifuza gutakaza igihe kinini atereta uyu mukobwa ahubwo ko yanyuzwe n’imico n’imyifatire ye ari nayo mpamvu yatangaje itariki azakoreraho ubukwe, muri Gashyantare 2019 yifuza ko bahamya isezerano ryabo.

Diamond yavuze ko hashize amezi icyenda Zari Hassan amutaye, ngo yageregeje kwegera abakobwa batandukanye abashakaho umubano, ariko benshi ntibifuzaga kuba abagore ahubwo bifuzaga kuryoshya gusa. Ngo Tanasha usanzwe ari n’Umunyamakuru wa NRG Radio yamugaragarije ubushake bw’uko ashaka kubaka. Uyu mukobwa yakundanye na Diamond avuye mu rukundo rwa Nick Mutuma.

Diamond yatangaje itariki azakoreraho ubukwe n'umukunzi we mushya Tanasha Donna
Diamond yihimuye kuri  Zari atangaza  itariki y’ubukwe bwe na Tanasha

Diamond Platnumz avuga ko nta kindi acyeneye uretse gukora ubukwe agakomeza imishinga ye. Avuga ko Zari bashwanye ku munsi w’abakundanye (tariki 14/02/2018), ari nayo mpamvu yifuza ko ku munsi w’abakundana tariki 14 Gashyantare 2019 ari nabwo yakwambika impeta Tanasha, bikaba bisa no kwihimura kuri ZARI babyaranye abana 2 aribo Latiffah Dangote na Nillan Dangote.

Aganira na Wasafi TV, Diamond yavuze ko yiteguye kurushinga mu mezi atatu ari imbere.

Yagize ati:“Nashoye mu bushabitsi butandukanye nka Televiziyo, Radio, inzu ireberera inyungu z’abahanzi, ubucuruzi bw’ubunyobwa n’ibindi…. Ubu rero icyo nkeneye ni umugore umfasha kugenzura ibyo byose…Nateguye ko ubukwe bwanjye buzaba ku munsi w’abakundanye muri 2019 (Valentine’s Day). Umunsi w’abakundana uzaba ari ku munsi wa kane, tuzakomeza ibirori kugeza ku wa Gatandatu w’icyo cyumweru. Ibyo ni byo natangaza ubu, hagize impinduka zibaho nazabamenyesha.”

Diamond yatangaje itariki azakoreraho ubukwe n'umukunzi we mushya Tanasha Donna


Diamond hari abatera urwenya bakavuga ko afite abakunzi bamuhagarariye mu bihugu bigize Akarere k’Afurika y’Uburasirazuba nk’u Rwanda, Tanzania, Uganda, Kenya, Burundi ndetse na Sudani y’Epfo.

Diamond yatangaje itariki azakoreraho ubukwe n'umukunzi we mushya Tanasha Donna

2 IBITEKEREZO

TANGA IGITEKEREZO KURI IYI NKURU