Rania Roussef, umukinnyi wa filime wo mu Misiri ashobora gufungwa igihe cy’imyaka itanu nyuma yo kwambara ikanzu igaragaza amatako akaba aregwa kwangiza umuco.

Kwambara ikanzu igaragaza amatako byatumye umukinnyi wa filime ashobora gufungwa.

Ku wa 29 Ugushyingo 2018, i Caire mu Misiri habereye umuhango wo gusoza iserukiramuco mpuzamahanga rya Filime. Umwe mu bakinnyi ba filime bakomeye muri iki gihugu bari bitabiriye uyu muhango, harimo na Rania Youssef w’imyaka 45.

Uyu mugore ubwo yatambukaga ku itapi itukura, yari yambaye ikanzu ndende igera ku birenge, ariko ibonerana, ku buryo amatako ye yose yagaragaraga, ibintu bitashimishije bamwe mu bakomeye ku muco w’iki gihugu kigendera ku mahame y’idini ya islam.

Abanyametegeko babiri bahise batanga ikirego bamushinja kwambara iby’urukozasoni (kwambara ikanzu igaragaza amatako), icyaha gishobora gutuma ahanishwa igifungo cy’imyaka itanu aramutse ahamwe na cyo. Ku wa 12 Mutarama umwaka utaha akaba aribwo urukiko ruzafata umwanzuro kuri iki kirego.

Uyu mugore amaze kubona ko ibyo yakoze hari abo bitashimishije, yasabye imbabazi, anicuza impamvu yatumye abikora. Ati “iyo mbimenya si mba narambaye iriya kanzu.”

Mu 2017, umuhanzikazi witwa Shyma yatawe muri yombi ashinjwa icyaha nk’iki biturutse ku mashusho y’indirimbo ye yitwa Andy Zoroof, amashusho bahamyaga ko ashotora abagabo.

Iyi kanzu uyu mugore yari yambaye ishobora gutuma afungwa imyaka itanu.
Iyi kanzu uyu mugore yari yambaye ishobora gutuma afungwa imyaka itanu.

TANGA IGITEKEREZO KURI IYI NKURU