Miss World 2018 yegukanwe n’umunya-Mexique Vanessa Ponce de Leon, ahigitse abandi bakobwa 120 bari bahanganye, Iradukunda ntiyaza muri 30 ba mbere.

Miss World 2018: Vanessa Ponce de Leon wo muri Mexique niwe wegukanye ikamba

Uyu muhango w’isozwa rya Miss World 2018 wabanjirijwe n’imbyino ihuriweho n’abakobwa bose, bari kumwe n’umuhanzi ukiri muto ukomoka muri Afurika Donel Mangena, mu birori byabereye mu Mujyi wa Sanya mu Bushinwa, aho abakobwa 120 bahagarariye ibihugu bitandukanye, bari bamaze ukwezi mu mwiherero.


Hakurikyeho agace ka Dance of The World, aho berekana imbyino zo mu mico itandukanye yo mu bihugu by’abakobwa bitabiriye irushanwa.

Hahise hatangazwa abakobwa 30 bageze muri ½ banagombaga kuvamo Miss World 2018. Iki cyiciro cyakurikiwe no gutangaza abakobwa bagiye bitwara neza hakurikijwe imigabane, aho hatorwaga babiri kuri buri mugabane.

Muri aba bakobwa bahagarariye imigabane bongeye kugenda batora umwe, wahize abandi kuri buri mugabane maze Quinn Abenakyo uhagarariye Uganda atorwa ku mugabane wa Afurika, Solaris Barba atorwa ku mugabane wa Amerika, Kadijah Robinson wa Jamaica atorwa mu bakomoka mu bihugu bya Caribbean.

Nicolene Limsnukan wa Thailand atsinda abo ku mugabane wa Aziya, mu gihe Maria Vasilevich wa Beralus yatowe nk’uwahize abandi bakomoka ku mubane w’u Burayi.

Aba bakobwa batanu nibo bagombaga gutorwamo uwambara ikamba rya Miss World 2018, asimbuye Umuhindekazi Manushi Chhillar wari urifite. Babajijwe ibibazo bitandukanye n’abagize akanama nkempurampaka, ubundi bafata akanya ko kwiherera.

Bagarutse batangaza ko Vanessa Ponce ukomoka muri Mexique atsindiye ikamba rya Miss World 2018. Uyu mukobwa yahabwaga amahirwe menshi. Nicolene Limsnukan wa Thailand, yabaye igisonga cya mbere naho Maria Vasilevich wa Beralus aba igisonga cya kabiri.

Nyampinga w’u Rwanda 2018, Iradukunda Liliane wari uri muri iri rushanwa, ntabwo yabashije guhirwa naryo kuko yagiye arushwa mu duce dutandukanye bagiye barushanwamo, icyakora yaje mu bakobwa 24 bafite imishinga myiza mu gace ka Beaut With Purpose (Ubwiza bufite intego).

Ni ku nshuro ya 68 iri rushanwa ryari ribaye, bikaba ku nshuro ya gatatu ryari ryitabiriwe n’u Rwanda. 2016 hagiye Mutesi Jolly, 2017 hagenda Iradukunda Elsa.

Miss World 2018: Vanessa Ponce de Leon wo muri Mexique niwe wegukanye ikamba
Abageze muri 30 ba mbere batarimo Miss Iradukunda Liliane
Aba nibo bahize abandi ku mugabane wa Amerika
Aba nibo bahize abandi ku mugabane wa Amerika


Abahize abandi bakomoka ku mugabane w'u Burayi
Abahize abandi bakomoka ku mugabane w’u Burayi
Abahize abandi bakomoka mu bihugu byo ku mugabane wa Afurika
Abahize abandi bakomoka mu bihugu byo ku mugabane wa Afurika
Babanje kwiyerekana mu mbyino rusange
Babanje kwiyerekana mu mbyino rusange


Batanu ba mbere barimo ukomoka muri Uganda
Batanu ba mbere barimo ukomoka muri Uganda
Miss Vanessa Penco asubiza ibibazo mbere y'uko agirwa Miss World 2018
Miss Vanessa Penco asubiza ibibazo mbere y’uko agirwa Miss World 2018
Miss Uganda Abenakyo Quiin ari imbere y'akanama nkemurampaka
Miss Uganda Abenakyo Quiin ari imbere y’akanama nkemurampaka
Miss World 2018 akikijwe n'ibisonga bye
Miss World 2018 akikijwe n’ibisonga bye
Abakobwa barimo kubyina
Abakobwa barimo kubyina
Nyampinga wa Jamaica wahize abo muri Carribean asubiza ibibazo
Nyampinga wa Jamaica wahize abo muri Carribean asubiza ibibazo
Vanessa Penco yambikwa ikamba rya Miss World 2018
Vanessa Ponce de Leon yambikwa ikamba rya Miss World 2018
Miss World 2018: Vanessa Ponce de Leon wo muri Mexique niwe wegukanye ikamba
Miss World 2018: Vanessa Ponce de Leon wo muri Mexique niwe wegukanye ikamba

IGITEKEREZO 1

TANGA IGITEKEREZO KURI IYI NKURU