Tariki  1 Werurwa 2015, nibwo KBC (Kigali Basketball Club) yakoze impanuka mu karere ka Kamonyi mu majyepfo, ihitana umwe abandi bagakomereka.

Nyuma y'impanuka ya KBC  ubu ari gukina Basket y'abamugaye

Meshake R. ni umwe mu bakinnyi iyi kipe yari ijyanye gukina n’ikipe ya kaminuza y’u Rwanda ishami rya Huye mu Ntara y’amajyepfo, bakora impanuka ikomeye, maze amugariramo amaguru, bituma atakaza ubushobozi butandukanye burimo no kuba yakina umukino wa basket bisanzwe.

Nyamara ubwo hatangiraga umukino wa Basket yo mu tugare ukinwa n’abafite ubumuga, Meshake yabaye mu bambere bawitabiriye. Meshake ubu akina wheelchair basket kandi ahamya ko na bagenzi be bibafitiye akamaro

Agira ati: “ Mu 2013, ndangije amashuri nagiye gukinira ikipe ya APR… bitagenze neza njya muri KBC, maze mu ntangiriro z’umwaka wa 2015, ikipe ya KBC, igiye gukina umukino wa munani wa shampiyona I Huye ikora impanuka maze bigenda gutya”.

TANGA IGITEKEREZO KURI IYI NKURU