Umukobwa wo muri Uganda Quiin Abenakyo, yakoze amateka atarigeze abaho mu nshuro zose Uganda yitabiriye irushanwa rya Nyampinga w’Isi aza mu bakobwa 30 bageze ku cyiciro cya nyuma cy’irushanwa.

Quiin Abenakyo wo muri Uganda yakoze amateka muri Miss World

Quiin Abenakyo amaze kwigaragaza neza muri Miss World 2018 ndetse ni we uri imbere mu bakobwa bose bo mu karere bagiye guhatanira iri Kamba mu Bushinwa.

Yabonetse mu bakobwa icumi ba mbere bagaragaje ubuhanga bwihariye mu guhuza ikamba bahawe n’ibikorwa bihindura sositeye nziza kurushaho biciye mu cyiciro gikomeye cya ‘Head to Head Challenge’ aho bibanda cyane mu gusuzuma ubumenyi bwa buri mukobwa.

Mu itora ryaciye kuri internet, abantu basaga miliyari ebyiri baratoye Quiin Abenakyo aboneka mu bakobwa 20 bitwaye neza. Aba bakobwa bahise bahatana mu kindi cyiciro maze kuri uyu wa 2 Ukuboza 2018 akanama nkemurampaka kemeza icumi ba mbere barimo Abenakyo .

Yahise agira ati “Ntewe ishema no kuba nakoreye ibi igihugu cyanjye.” Mu masegonda 90 yahawe yo kuvuga ibikorwa bye, yavuze ko yahinduriye ubuzima abakobwa batabarika bari hagati y’imyaka 14-19 bagiye baterwa inda bakiri bato.

Yavuze ko iwabo muri Uganda, umwangavu umwe muri bane aba yaratewe inda, ibi bikabakururira ibibazo by’uruhererekane ku isonga harimo kuva mu ishuri no kumeneshwa mu miryango.

Akanama nkemurampaka kishimiye Quiin Abenakyo gahita kamwinjiza mu bakobwa 30 babonye amahirwe yo kugera ku cyiciro cya nyuma cy’irushanwa. Ni ubwa mbere mu mateka ya Uganda aho umukandida wayo abashije kugera kuri uru rwego.

Quiin Abenakyo wo muri Uganda yakoze amateka muri Miss World
Quiin Abenakyo amaze kwigaragaza neza muri Miss World 2018

Akana gatanga amanota kari kagizwe na Manushi Chhillar (India) ufite ikamba rya Miss World 2017, Meghan Young Umunya-Philippines wahawe iri Kamba muri 2013 ndetse na Stephanie Del Valle wo muri Puerto Rico waryambitswe mu 2016).

Abakobwa batowe hashingiwe ku buryo bavugira mu ruhame hanyuma abavuga bashize amanga bahiga abandi; kongeraho uburyo bakoze imishinga ihindura Isi.

Abakobwa 10 batowe bahise babona amahirwe yo kwinjira mu cyiciro cya nyuma cya Miss World[muri Top30].

Quiin Abenakyo wo muri Uganda yakoze amateka muri Miss World
Abakobwa icumi binjiye mu cyiciro cya nyuma cya Miss World 2018

Abakobwa 10 batsinze ni:

  • Mauritius
  • Venezuela
  • Bangladesh
  • Chile
  • Malaysia
  • India
  • Singapore
  • Thailand
  • Mexico
  • Uganda

TANGA IGITEKEREZO KURI IYI NKURU