Kuri uyu wa Gatatu urukiko rw’ubujurire mu Bufaransa rwemeje ubusabe bwa Guverinoma ya Burkina Faso bwo kohererezwa umuvandimwe w’uwahoze ari perezida w’iki gihugu, Blaise Compaore ngo aburanishwe nk’uko umuvugizi w’uru rukiko yabitangaje.

Umuvandimwe wa Blaise Compaore uba mu Bufaransa agiye gusubizwa muri Burkina Faso ngo aburanishwe

Igipolisi cy’u Bufaransa cyafungiye Francois Compaore ku Kibuga cy’indege cyitiriwe Charles de Gaulle I Paris mu Bufaransa mu Ukwakira hagendewe ku mpapuro mpuzamahanga zo kumuta muri yombi kubera ubwicanyi bwo mu 1998 ashinjwa bwakorewe umunyamakuru Norbert Zongo wakoreraga L’indépendent.

Iyicwa rya Zongo, wari mu iperereza ku iyicwa na none ry’umushoferi wakoreye Francois Compaore, akaza kuba nk’ikimenyetso cy’igitugu cy’ubutegetsi bwa Blaise Compaore bwamaze imyaka 27  bukagera ku iherezo mu 2014 nyuma y’imyivumbagatanyo y’abaturage.

Blaise Compaore wahoze uyobora Burkina Faso akaba asa cyane n’umuvandimwe we Francois Compaore
Blaise Compaore wahoze uyobora Burkina Faso akaba asa cyane n’umuvandimwe we Francois Compaore

Umunyamategeko wa Francois Compaore witwa Pierre-Olivier Sur yavuze ko ibirego bishinjwa umukiriya we byihishwe inyuma n’impamvu za politiki za guverinoma ya Burkina Faso yananiwe kuburanisha Blaise Compaore, guverinoa ya Cote d’Ivoire yanze gutanga.

Blaise Compaore nyuma yo guhirikwa n’abaturage yahise ahungir mu gihugu cy’igituranyi cya Cote d’Ivoire, nawe akaba yarashyiriweho impapuro mpuzamahanga zo kumuta muri yombi akurikiranweho uruhare mu iyicwa rya Thomas Sankara mu 1987.

TANGA IGITEKEREZO KURI IYI NKURU