Abakobwa batandukanye bamaze gutanga ubuhamya bwabo bavuga uburyo umuhanzi  R Kelly yagiye abahohotera, ukuntu yabamburaga imyenda akabasambanya ku ngufu.

Abafashwe ku ngufu na R Kelly bavuga ukuntu yabamburaga imyenda akabafata amashusho bambaye ubusa

Aba bakobwa bagaragara muri dokimanteri (documentaire) yiswe ‘Surviving R. Kelly’ bivuze ‘Kurokoka R. Kelly’ yakozwe na televiziyo ya Life time bavuga ko uyu mugabo yafashe ku ngufu abakobwa benshi kuva mu mwaka wa 2000.


Muri aya mashusho, harimo abakobwa batandatu barimo n’uwahoze ari umugore we, Andrea Kelly bavuga ko bakorerwaga ibya mfura mbi birimo kwamburwa imyenda  bagafotorwa bambaye uko bavutse no kubasambanya ku ngufu.

Andrea yongeraho ko R Kelly yagiye amutera ubwoba inshuro nyinshi amubwira ko azamwica.

Benshi bakorewe ihohoterwa rishingiye ku gitsina barimo abanditsi n’ababyinnyi ba R.Kelly bavuga ko yabamburaga imyenda nyuma akabafata amashusho akoresheje kamera (camera).

Umunyamategeko wa R Kelly avuga ko Life time nikomeza gutangaza aya mashusho hazitabazwa amategeko kuko ngo abakobwa bose babajijwe ari ababeshyi bagamije guhindanya izina rya R. Kelly.

Uwatunganyije iyi documentary, Dream Hampton ahakana ibyavuzwe n’umunyamategeko wa R.Kelly ahubwo akavuga ko yatunguwe n’uburyo ibindi byamamare bidashaka kugira icyo bivuga kuri iyi ngingo.

Mu mpera z’umwaka wa 2018, R. Kelly yashyize ku mugaragaro indirimbo yise ‘I admit’ bivuze ngo ndabyemera. Yaririmbye yemera ko hari abakobwa yahohoteye ndetse anigamba ko atarafatwa cyangwa ngo agezwe imbere y’ubutabera.

Mu mwaka wa 2017, R Kelly yashinjwaga na bamwe mu babyeyi kubararurira abana b’abakobwa bataruzuza imyaka y’ubukure, ababeshya ko agiye kubagira ibihangange mu muziki cyangwa mu gukina filimi.

Aba babyeyi bavuze ko abana babo bagizwe icyo bise abacakara b’igitsina mu nzu z’uyu muhanzi. Ibi birego uyu mugabo ntiyahwemye kubihakana yivuye inyuma.

IREBERE VIDEO NHYA YA EESAM YISE WOWE GUSA:

2 IBITEKEREZO

TANGA IGITEKEREZO KURI IYI NKURU