Mu ijoro ryo kuri uyu wa Gatandatu taliki ya 26 Mutarama 2019 nibwo hari bumenyekane nyampinga w’u Rwanda 2019 urasimbura Miss Rwanda 2018 Iradukunda Liliane wari urimaranye umwaka, ni mu birori biri bubere Intare Conference Arena I Rusororo.

Bamwe baribaza niba Miss Rwanda 2019 arava muri 5 batowe cyane muri iri rushanwa

Abantu barenga Million bategerezanije amatsiko menshi kumenya ninde uri bwambare ikamba rya Miss Rwanda 2019 uyu mwaka , rimwe na rimwe ariko kandi abatora cyangwa abakurikiranira hafi irushanwa bakunze kwibwira ko gutorwa cyane k’umukobwa uba uhataniye ikamba aribyo bimuha Ikamba rya Miss Rwanda.

Abakobwa 15 bashakwamo nyampinga w’u Rwanda 2019
Abakobwa bashakwamo nyampinga w’u Rwanda 2019

Hari abibaza niba mu bakobwa 15 bahatanira iri kamba rya Nyampinga w’u Rwanda 2019  muri final kuri uyu mugoroba, uwatowe cyane ari we uritahana. Gusa nk’uko amarushanwa yabanjirije iri yabigaragaje, akenshi siko bikunze kugenda.


Gutorwa cyane muri aya marushanwa ntibituma uwatowe ku rwego rwo hejuru ahabwa ikamba rya Miss Rwanda, kuko bimwe mubyo irushanwa rya Nyampinga w’u Rwanda rigenderaho ari Ubwiza, ubwenge n’Umuco, rimwe na rimwe umushinga umukobwa aba afite muri gahunda kandi yifuza kuzesereza imihigo, ndetse n’imisubirize ye imbere y’akanama nkempura mpaka bituma umukobwa abona amahirwe yo kuba yakwegukana ikamba.

Icyo gihe amatora yasojwe Kwizera Peace Ndaruhutse ariwe uyoboye abandi
Amatora yo muri Miss Rwanda 2016 yasojwe Kwizera Peace Ndaruhutse ariwe uyoboye abandi

Nkuko bigaragara rero, duhereye mu mwaka wa 2016 ari nawo mwaka Miss Mutesi Jolly yegukaniyeho ikamba , uyu mukobwa watwaye iri kamba siwe wari watowe cyane ahubwo icyo gihe umukobwa bari bahataniye ikamba witwa Kwizera Peace Ndaruhutse niwe wari uyoboye amajwi ndetse asoza ariwe ufite amajwi menshi afite angana n’ibihumbi 24,002 , mu gihe Mutesi Jolly wari uwa 4 mu majwi (3769) ariwe wegukanye ikamba.

Icyo gihe Mutesi Jolly niwe wegukanye ikamba
Mutesi Jolly niwe wegukanye ikamba rya Nyampinga w’u Rwanda 2016

Dukomeje mu mwaka wawukurikiye wa 2017 aribwo Miss Iradukunda Elsa yegukanaga ikamba, icyo gihe urutonde rwabatowe cyane rwari ruyobowe n’uwitwa Umutoniwase Linda wari ufite amajwi ibihumbi 38,347 ariko ikamba ryaje gutwarwa na Iradukunda Elsa wari ukurikiye ku mwanya wa 4 n’amajwi ibihumbi 16,190 .

Mu irushanwa ryo muri 2017, amajwi yari ayobowe na Umutoniwase Linda
Mu irushanwa ryo muri 2017, amajwi yari ayobowe na Umutoniwase Linda
Iradukunda Elysa niwe wambwitswe ikamba rya Nyampinga w'u Rwanda 2017
Iradukunda Elysa niwe wambwitswe ikamba rya Nyampinga w’u Rwanda 2017

Umwaka ushize wa 2018 ikamba ryatwawe na Iradukunda Liliane, muri uwo mwaka urutonde rw’amajwi y’umukobwa wari watowe cyane rwari ruyobowe n’umukobwa witwa  Uwonkunda Belinda n’amajwi ibihumbi 33,104 , Iradukunda Liliane wegukanye ikamba muri icyo gihe yari inyuma cyane y’umukobwa wari ufite amajwi menshi , cyane ko yari ku mwanya wa 13 mu majwi yose, ariko icyo gihe Iradukunda Liliane wari ufite amajwi angana n ‘ibihumbi 3,075 gusa yaje kwegukana ikamba ku itariki 24 Gashyantare 2018.

Uwonkunda Belinda niwe wasoje afite amajwi menshi
Uwonkunda Belinda niwe wasoje amatora ya Miss Rwanda 2018 afite amajwi menshi
Iradukunda Liliane niwe wegukanye ikamba rya Nyampinga w’u Rwanda 2018
Iradukunda Liliane niwe wegukanye ikamba rya Nyampinga w’u Rwanda 2018

Uyu mwaka rero, ari nawo abenshi bategereje kandi bakomeje kwibazaho, dore ko iri rushanwa ryaje mu mitwe ya benshi rikagira n’abafana benshi kurusha indi myaka yahise,  bigaragazwa cyane n’ukuntu ryavuzwe cyane, kumubare w’abantu batoye mu minsi ishize ndetse n’uko amajwi y’abakobwa angana bitandukanye cyane no mu myaka yatambutse y’iri rushanwa.


Uyu mwaka gutora byarangiye umukobwa wamamaye cyane Mwiseneza Josiane, ndetse uri mubatumye iri rushanwa rizamuka rikavugwa cyane, niwe wayoboye urutonde rwabatowe cyane kuva amatora atangiye kugeza asozwa, uyu mukobwa akiri ku mwanya wa mbere n’amajwi angana n’ibihumbi 71,241!

Mwiseneza Josiane niwe wasoje afite amajwi menshi
Mwiseneza Josiane niwe wasoje amatora afite amajwi menshi

Ese hari amahirwe ko Mwiseneza Josiane ariwe wakwegukana ikamba rya Nyampinga w’u Rwanda 2019?

Mwiseneza Josiane yabonye Pass nyuma yuko ifoto ye itowe cyane ku mbuga nkoranyambaga kurusha izindi zose
Mwiseneza Josiane ushyigikiwe n’abantu benshi amatora yasojwe ariwe uyuboye mu majwi.

Ibyo nibyo benshi bategereje muri iri joro, nubwo byagiye bigaragara ko Mwiseneza Josiane ashyigikiwe cyane hirya no hino mu Rwanda ndetse no hanze, kandi bose bifuza ko ariwe wagirwa Nyampinga w’u Rwanda 2019, ariko kandi ukurikije uko byagiye bigaragara uko imyaka yashize byagiye bigenda wabona ko bishoboka cyane ko umwe muri batanu (5) batowe cyane yaba nyampinga w’u Rwanda 2019 cyangwa kurundi ruhande ntamube.

Muri aba batanu niho havamo Miss Rwannda 2019 ? cyangwa arava mu 10 basigaye? ni iri joro!
Muri aba batanu niho havamo Miss Rwannda 2019 cyangwa arava mu 10 basigaye? 

Ibirori byo guhitamo uwegukana ikamba rya Nyampinga w’u Rwanda 2019 (Miss Rwanda 2019) birabera mu Intare Conference Arena I Rusororo ku mugoroba wo kuri uyu wa Gatandatu Taliki ya 26 Mutarama 2019. Ntimucikwe, turi kumwe.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU