Mu mpera z’icyumweru gishize ahitwa Buye, muri Komini Mwumba, mu Ntara ya Ngozi, abaminisitiri 13 bo muri Guverinoma bagabiwe inka na Perezida Pierre Nkurunziza w’u Burundi.

Burundi: Abaminisitiri 13 bagabiwe inka na Perezida Nkurunziza

Mu izina rya bagenzi be 13 bagabiwe inka na Perezida Nkurunziza, Minisitiri w’Imirimo ya Leta n’Umurimo yashimiye umukuru w’igihugu kubw’iyo mpano anamwifuriza umwaka mushya muhire wa 2019 n’umuryango we.


Yasezeranyije ko bazarinda izi nka neza kugirango nabo bazasaranganye na bagenzi babo, inshuti n’imiryango.

Mu ijambo rye nk’uko iyi nkuru dukesha Radio na Televiziyo by’u Burundi (RTNB), Perezida Nkurunziza yavuze ko iyo mpano yatanze yaturutse mu mpano zitandukanye abaturage b’u Burundi bagiye bamuha aho yabaga yabasuye mu 2018.

Burundi: Abaminisitiri 13 bagabiwe inka na Perezida Nkurunziza

Yongeyeho ko yakoze iki kimenyetso kuko umwaka ushize wa 2018 waranzwe n’ubwumvikane n’ubufatanye mu bagize guverinoma y’u Burundi, akaba ari mu rwego rwo kubereka ko abashimira abikuye ku mutima, anasobanura kandi ko biri mu rwego rwo kongerera imbaraga umuco mwiza wo guhana impano wahoze uranga Abarundi.

Burundi: Abaminisitiri 13 bagabiwe inka na Perezida Nkurunziza

Perezida Nkurunziza akaba yasabye aba baminisitiri gutera ikirenge mu cye bagakomeza iyi migirire myiza yo guhana impano ngo yaranze abakurambere, abasaba kuzarushaho kongera ingufu ngo umwaka wa 2019 uzarusheho kuba mwiza kurusha ushize.

Abaminisitiri bahawe iyi mpano y’inka barimo uw’ingabo, uw’ingufu na mine, uw’urubyiruko, uw’umuco, ushinzwe kwegereza abaturage ubuyobozi, uw’imirimo ya leta, uw’ubuhinzi n’ubworozi, uw’itumanaho, uw’ubuzima, uw’imari na minisitiri w’ububanyi mpuzamahanga.

Burundi: Abaminisitiri 13 bagabiwe inka na Perezida Nkurunziza

Burundi: Abaminisitiri 13 bagabiwe inka na Perezida Nkurunziza

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU