Umukinnyi w’icyamamare mu mukino w’iteramakofe, Floyd Mayweather Jr, yakoreye miliyoni $9 hafi mu minota itatu (mu masegonda 140) nyuma yo gutsinda Umuyapani Tenshin Nasukawa.

Mayweather Jr. yakoreye miliyoni $9 mu minota itatu gusa

Floyd Mayweather Jr. w’imyaka 41 yashyize ku butaka inshuro eshatu Nasukawa w’imyaka 20, muri uyu mukino wabereye mu mujyi wa Tokyo mu Buyapani, aba amutsinze bakiri mu gace ka mbere k’uyu mukino.


Umunyamerika Mayweather waherukaga gutsinda Conor McGregor mu mukino wabaye muri Kanama 2017. Yahise ashyikirizwa sheki ya miliyoni 350 z’amadolari ya Amerika.

Nyuma yo gutsinda Nasukawa, Mayweather yavuze ko nubwo yakinnye n’uyu Muyapani atagarutse mu iteramakofe kuko yamaze gusezera.

Ati “Icyari kigamijwe ni ukwisimisha, twagize ibihe byiza bidasanzwe. Bashakaga ko bibera mu Buyapani, rero ndavuga nti bitwaye iki?”

BBC ivuga ko uyu mukino wabanje gutindaho amasaha atari make, bamwe bagatangira guhwihwisa ko Mayweather atari buze ndetse ko abawuteguye batazi aho aherereye.

Yashimangiye ko yaba we cyangwa uyu Muyapani barwanye bose ari abakinnyi beza, aho yamugiriye inama yo kutazacika intege ndetse asaba abafana be hirya no hino ku Isi kumushyigikira.

Uyu mukino w’iteramakofe wari wihariye ndetse ufite amategeko adasanzwe kuko Nasukawa umenyerewe mu iteramakofe rivanze n’imigeli, yari yabwiwe ko naramuka ateye umugeli acibwa amande ya miliyoni eshanu z’amadolari.

Ibyo byiyongeraho ko uretse kuba nta bakemurampaka bari bahari, umuntu umwe ariwe wemeje intsinzi ya Floyd Mayweather Jr.

Mayweather yatsinze Nasukawa nyuma yo kumugusha ubugira gatatu
Mayweather yatsinze Nasukawa nyuma yo kumugusha ubugira gatatu
Mayweather w'imyaka 21 yatsinze Nasukawa w'imyaka 20 bimworoheye cyane
Mayweather w’imyaka 21 yatsinze Nasukawa w’imyaka 20 bimworoheye cyane
Mayweather afite agahigo ko gusezera ku iteramakofe ataratsindwa na rimwe
Mayweather afite agahigo ko gusezera ku iteramakofe ataratsindwa na rimwe
Uyu mukino wamaze iminota itatu gusa
Uyu mukino wamaze iminota itatu gusa

IREBERE VIDEO NHYA YA EESAM YISE WOWE GUSA:

IGITEKEREZO 1

TANGA IGITEKEREZO KURI IYI NKURU