Ibaruwa yasohotse isaba abategura irushanwa rya Miss Rwanda kugira Mwiseneza Josiane Miss Rwanda 2019 nta yandi mananiza abayeho kuko ariwe ukwiye kuba Nyampinga w’u Rwanda.

Ibaruwa yasohotse isaba kugira Mwiseneza Josiane Miss Rwanda 2019 kuko ariwe ubikwiye

Mu ijoro ryo kuri uyu wa Gatandatu taliki ya 5 Mutarama 2019, haraye hamenyekanye abakobwa 20 bakomeje mu irushanwa ryo gushakisha uzaba Nyampinga w’u Rwanda muri 2019.


Iri rushanwa ryatangiriye mu Ntara y’amajyaruguru risorezwa mu mujyi wa Kigali, kuva ryatangira kugeza ubwo abakobwa 17 basezererwaga hagasigara 20 bagiye gukora umwiherero, umukobwa uri kuvugwa cyane ni uwitwa Mwiseneza Joasiane wambaye numero 30, uyu mukobwa arashyigikiwe cyane.

Mwiseneza yabaye ikimenyabose kuva igihe yitabiraga aya marushanwa akoze urugendo rurerure agenda n’ibirenge, abenshi bamufashe nk’umunyacyaro ariko ibi byatumye akundwa cyane abenshi bavugako bamushyigikiye kubera icyizere yigiriye ubwo yitabiraga iri rushanwa akagera aho ryaberaga ava amaraso ku ino ry’igikumwe kubera gusitara.

Ibaruwa yasohotse isaba kugira Mwiseneza Josiane Miss Rwanda 2019 kuko ariwe ubikwiye

Uyu mukobwa akomeje kuvugisha abantu benshi cyane, kuko ubwo bashakishaga abakobwa 20 bagomba gukomeza mu birori byabereye i Gikondo kuri uyu Wa Gatandatu, Josiane Mwiseneza niryo zina ryagarutsweho cyane yageraga imbere kurubyiniro bose induru y’ibyishimo bakayiha umunwa, arashigikiwe cyane kuburyo no kumbugankoranyambaga, ubu amafoto ye niyo ariguhererekanywa cyane hafi ya bose bishimirako uyu mukobwa yakomeje mu cyiciro gikurikira muri Miss Rwanda 2019.

Josiane yabaye Josiane, Mwiseneza yabaye Mwiseneza, mu binyamakuru, kuri status za Watsapp,……….! kuri ubu kumbuga nkoranyambaga nka facebook, whatsapp na instagram hari ubutumwa buriguherekanwa buri wese ubyifuza akiyandikisha asaba ko ntayandi mananiza Mwiseneza Josiane agirwa Miss Rwanda 2019.

Iyi baruwa isabako Mwiseneza agirwa Miss Rwanda ntayandi mananiza yanditswe n’umunyamakuru Ernesto Ugeziwe,yahoze akorera RBA kuri ubu aba muri Leta zunze ubumwe za Amerika.

Ibaruwa yasohotse isaba kugira Mwiseneza Josiane Miss Rwanda 2019 kuko ariwe ubikwiye

Ernesto yasabye abategura iri rushanwa aribo Rwanda Inspiration Back Up ko ntayandi mananiza bakomba kwambika ikamba Mwiseneza Josiane kuko ariwe ukunzwe na benshi.

Ernesto Ugeziwe yagize ati:

Turasaba abategura irushanwa guhindura amategeko n’amabwiriza kuko bidasobanutse kandi ntibihe amahirwe 100% uwo abanyarwanda bifuza. Niba Miss ari uwa Abanyarwanda, uwagize ubwiganze bw’amajwi nka “MWISENEZA Josiane” ufite umushinga wo kurwanya indyo mbi n’igwingira ry’abana bo mu cyaro, yakwiye kwambikwa ikamba nta mananiza. Nkuko izindi ngingo zo mu yandi mategeko zahinduwe we ku busabe bw’ Abanyarwanda n’aya mategeko turifuza ko kuri iyi nshuro yahindurwa. Ikamba rikambikwa uwo rubanda nyamwinshi ishaka. Kuba ariwe mukobwa wavuye mu cyaro agahangara iri rushanwa ni ubutwari, kuba atavuga neza izindi ndimi si amakosa ye kuko afite diplome kandi nabamubanjirije bazivugaga neza ntawitwaye neza mu marushanwa mpuzamahanga. Kumuha ikamba byashimangira ko abanyarwanda bifatira ibyemezo kandi ko Miss Rwanda itari iy’ abanyamujyi gusa.

Ubu butumwa Ernesto yacishije kurubuga rwa Change.org bufite umutwe ugira uti: “Tell Miss Rwanda Organizers to change their terms and regulations.” aho buri muntu wese ubishaka ashobora kwiyandikisha asaba ko ntayandi mananiza uyu mukobwa agomba kugirwa Miss Rwanda 2019 kugeza ubu abamaze kwiyandikisha bagera kuri 169

IREBERE VIDEO NHYA YA EESAM YISE WOWE GUSA:

5 IBITEKEREZO

  1. Kugiti cyanjye.ndabona ntacyo uyu Mwali adafite cyamubuza kuba Miss Rwanda 2019.
    nshimanjyiye kuburyo yajemo.kumugira Miss Rwanda byaba byiza cyane.ubu kuko byakangurira abari benshi kwitinyuka bikaba byazana umusaruro mwinshi mugihugu abandi bari baramutse babyutse bagatangira gukurikira indoto zabo.cyango imishinga yabo baryamishije kubera kutitinyuka.kandi icyo kubuga ati ntazindi ndimi azi icyo sikibazo kinini kuko indimi zirigwa kandi igihe niki ngo duhe Ururimi rwacu agaciro tubere urujyero muri africa murirusanjye twerekana agaciro kacu nkabirabura.
    Ntabwo nirengagije nabandi bari beza bitabiriye amarushabwa.ariko burya baravuga bati igitambo kiruta amaturo.rero harimpamvu nyinshi njyenderwaho zatuma baha
    Mwiseneza Josiane aya mahirwe agatambuka nka Miss wuyu mwaka 2019.

  2. Abanyarwanda benshi mw’ijwi , RIMWE, RYUMVIKANA, BARASABA IMPINDUKA NZIZA MU GIKORWA CYA MISS RWANDA.

    JOSIANE MWISENEZA NI WE KIMENYETSO CY’IYO MPINDUKA.
    NTA KUKIZIBIRANYA. AKWIYE IKAMBA RYA MISS RWANDA RIGERETSE KU RYA MISS POPULARITY

TANGA IGITEKEREZO KURI IYI NKURU