Icyamamare Chris Brown wari ufungiye i Paris iminsi ibiri yose akekwaho gufata ku ngufu umukobwa yarekuwe, akaba agiye kujyana ikirego mu rukiko kuko   abona ko ibintu byari nko ukumusebya.

Icyamamare Chris Brown wari ufungiye i Paris yarekuwe akubita agatoki ku kandi

Chris Brown yatawe muri yombi na Polisi yo mu Mujyi wa Paris mu Bufaransa ku wa Mbere ari kumwe n’abandi bagabo babiri barimo umurinzi we.


Yari akurikiranyweho icyaha cyo gufata ku ngufu umukobwa w’imyaka 24 wavugaga ko yamufashe ku ngufu mu ijoro ryo ku wa 15 Mutarama 2019.

Uyu mukobwa yavuze ko bahuriye mu kabyiniro kitwa Le Crystal ubundi bajyana kuri hoteli bari kumwe n’abandi bagore n’abagabo batatu.

Yongeyeho ko yamufashe ku ngufu ubwo bari basigaranye bonyine kuri hoteli. Yashinjaga kandi umurinzi w’uyu muhanzi n’undi musore bari kumwe kumuhohotera.

Umunyamategeko w’icyamamare Chris Brown, Raphael Chiche, yabwiye TMZ ko umukiliya we yarekuwe ku mugoroba wo kuri uyu wa kabiri, kandi ko biteguye gutanga ikirego bashinja uyu mukobwa gusebanya.

Raphael Chiche yagize ati: “Ubu Chris Brown yarekuwe. Nta kirego cyigeze gitangwa mu rukiko. Ibyo yashinjwaga byose ntibyamuhamye. Ejo tuzatanga ikirego cyo gusebanya mu bushinjacyaha bwa Paris.”

Chris Brown akirekurwa yanditse kuri konti ye ya Instagram, ko ibyo yashinjwaga byari ibinyoma gusa kandi ko bihabanye n’imyifatire ye.

Yagize ati: “Ndashaka kubisonabura neza. Ntabwo ari byo ni ibinyoma gusa. Ku bw’umukobwa wanjye n’umuryango wanjye ni agasuzuguro kandi bihabanye n’imyifatire yanjye.”

Chris Brown yakunze gufungwa cyane guhera mu 2009 ubwo yakubitaga uwari umukunzi we Rihanna. Tariki ya 9 Gicurasi 2014 yakatiwe iminsi 131 y’igifungo gusa yaje kurekurwa amazemo 109 gusa. Yafunzwe kandi azira kutubahiriza ibihano yahawe kubera gukubita Rihanna.

Mu 2016 nabwo yatawe muri yombi na polisi akurikiranyweho gutunga umukobwa imbunda. Icyo gihe yarekuwe atanze ibihumbi $250.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU