Casey King ufite ibiro 320 akoresha amasaha hafi ya yose y’umunsi we mu kurya no gukina imikino ya mudasobwa, ibikorwa akora yambaye ubusa kuko imyenda itakimukwira.

King w’imyaka 34 abyuka ahagana saa sita z’amanywa agashaka amafunguro ari burye yiganjemo azwiho kubyibushya cyane, ubundi agahita yicara imbere ya televiziyo cyangwa imikino ya mudasobwa yiyambariye uko yavutse.


Inkuru ya King ubana na se ndetse akaba atagira akazi izasohoka mu kiganiro Family by the Ton cya televiziyo ya TLC, gikurikirana ubuzima bw’imiryango bigaragara ko ikeneye kunanuka.

M gace gato katambutse mu cyumweru gishize yagize ati “Nzarya kugeza mfuye. Umunsi usanzwe kuri njye ni ukubyuka saa sita z’amanywa, nkaterekereza ku ifunguro ngiye guhita mfata ubundi hagakurikiraho televiziyo, imikino ya mudasobwa no kuryama. Ntabwo ari ibikorwa byinshi.”

Impamvu ituma atikoza umwambaro ngo ni uko muri leta ya Georgia atuyemo hashyuha kandi imyenda ye myinshi imufashe ku buryo imubangamira.

King ahamya ko yahisemo kwirirwa akina imikino ya mudasobwa kuko abo bayihuriraho batamuzi, bityo bituma abaho yisanzuye kuko ntawe umucira urubanza agendeye ku ngano ye.

Ati “Ntabwo nari narigeze ntekereza ko ku myaka 34 nzaba mbana na data, nta kazi, nta mafaranga afatika ahubwo nirirwa nkina imikino ya mudasobwa umunsi wose ari nako ndya.”

Uyu musore wakuze afite umubyibuho ukabije avuga ko byaje gukabya ubwo yarangizaga kwiga afite ibilo 136, yaje kubona akazi muri restaurant kubera kwirirwa arya aza kwisanga ageze ku biro 226 bituma akareka kuko atari akibashije gukora.

Ati “Mama yarambwiye ngo kugira ngo ube muri iyi nzu ugomba kuba ufite akazi, rero yaranyirukanye. Ahantu honyine nashoboraga kujya hari kwa papa rero nagiyeyo.”

Yakomeje avuga ko kubera ko se yari aziko akunda kurya yamugururiraga ibiribwa akunda byiganjemo pizza, inkoko n’ibindi byoroshye gutwarwa ari nabyo byatumye umubyibuho we ukomeza gufata indi ntera.

Daily Mail ivuga ko umubyeyi we nubwo adashobora gutererana umuhungu we wigeze kumara amasaha icyenda yaguye mu bwogero akananirwa guhaguruka, amaze gucika intege cyane ko agenda asaza.

Uyu musore yifuza ubufasha kugira ngo abashe guta ibiro kuko arambiwe kuba hari ibikorwa bimwe na bimwe se akimukorera kandi nta mubyeyi wakifuje kuba abikorera umusore w’imyaka isaga 30.

IREBERE VIDEO NHYA YA EESAM YISE WOWE GUSA:

2 IBITEKEREZO

TANGA IGITEKEREZO KURI IYI NKURU