Umuraperi Jay Polly yatangiye ifatwa ry’amashusho y’indirimbo ikubiyemo inkuru mpamo y’ubuzima yanyuzemo agafungwa yise ‘Umusaraba wa Joshua’.

Jay Polly yatangiye gufata amashusho y'indirimbo Umusaraba wa Joshua

Iyi ndirimbo ‘Umusaraba wa Joshua’ yahuriyemo n’umuhanzikazi Marina yagiye hanze ku wa 16 Mutarama 2019.


Mupenda Ramadhan uhagarariye The Mane iri gukorana n’uyu muhanzi bya hafi yatangarije itangazamakuru ko amashusho yayo azajya hanze mu cyumweru gitaha.

Yakomeje avuga ko yose yafatiwe mu bice bitandukanye by’Umujyi wa Kigali na Producer mushya w’iyi nzu ifasha abahanzi witwa A-B Godwin uri kuzamuka neza muri uyu mwuga.

Iyi ndirimbo ivuga byinshi ku buzima busharira Jay Polly yanyuzemo ubwo byatangazwaga ko yakubise umugore akamukura amenyo ndetse akanakatirwa igifungo cy’umwaka yarangije mu ntangiro za 2019.

Nko mu gitero cya mbere agira ati: “Bijya gutangira ku itariki enye mu rukerera umwanzi yansuye atatumiwe azana umunabi mu nzu iwanjye, nta rwango, intonganya zivuka ntazi uko zije, Jay Polly w’umusani ahinduka umunyabyaha atyo.”

Agakomeza ati: “Iyi tariki ntimva ku mutima iyo minsi yaranzwe n’amarira abakunzi batakamba abanzi bari ku icupa, amaso abona rubi mu makuba uhabonera inshuti ko bambwiye bati yagiye kera ak’ubusa bati niba ari Kabaka nasimbuke pandagari, bati niba ari umuhatari nace ipingu twemere.”

Jay Polly avuga uko yabaye iciro ry’imigani ku mbuga nkoranyambaga no mu bitangazamakuru abatamuzi bakavuga ko akwiye ‘gukanirwa urumukwiye kuko ari umugome’ abamuzi bakavuga ko ari impanuka yahuye nayo.

Anahishura ko abari inshuti ze bageze aho yari afungiye ari mbarwa kuko yamaze kugera mu gihome bakamwitarutsa.

Mu nyikirizo y’iyi ndirimbo iririmbwa na Marina, Jay Polly yumvikanisha ko agarutse ari mushya.

Jay Polly yatangiye gufata amashusho y'indirimbo Umusaraba wa Joshua

Jay Polly yatangiye gufata amashusho y'indirimbo Umusaraba wa Joshua

Jay Polly yatangiye gufata amashusho y'indirimbo Umusaraba wa Joshua

Jay Polly yatangiye gufata amashusho y'indirimbo Umusaraba wa Joshua

Umusaraba wa Joshua

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU