Benshi bamenyereye guhoberana nk’uburyo bwo kuramukanya, ariko siko kamaro konyine, kuko guhobera umukunzi wawe hari ibyiza byinshi bitanga mu buzima bw’abakundana.

Menya akamaro ko guhobera umukunzi wawe

Si abakundana gusa, kuko n’abantu barwaye indwara yo kwigunga na bo burya ngo kubahobera kenshi ni umuti ukomeye ubavura buhorobuhoro batanabizi, bakazisanga bariyumvishe muri sosiyete nk’abandi. Guhoberana bifasha abantu kutihugiraho bakamenya ko buri wese akeneye undi.


Guhoberana bitera akanyamuneza mu mutima kagakwira umubiri wose

2. Guhoberana bigabanya umunaniro w’ubwonko (Stress)

Ubushakashatsi bwakozwe n’abahanga bo muri kaminuza ya Carnegie Mellon iherereye muri Leta ya Pennsylvania muri Amerika bwagaragaje ko abantu bakunda guhoberana baba bafite ibyago bike byo kurwara stress ugereranyije n’abatajya bahoberana. Bigabanya kandi urugero rw’umusemburo wa Cortisol utera umunaniro ukabije mu mutwe (stress)

Prof Sheldon Cohen, wigisha isomo ryerekeranye n’imitekerereze ya muntu muri Carnegie Mellon University ari na we wari uhagarariye ubwo bushakashatsi, yagaragaje ko “guhoberana ari ikimenyetso cy’urukundo mvamutima, kandi bigafasha gutanga ibyiyumviro abantu baba bakeneranyeho bityo bikagira ingaruka nziza ku bwonko maze stress ikagabanyuka.”

3. Guhoberana bigabanya umuvuduko ukabije w’amaraso :

Guhoberana ngo bituma ibyumviro by’uruhu byohereza amakuru ku mitsi ikorana n’umutima cyane cyane ku gice gishinzwe kugabanya umuvuduko ukabije w’amaraso maze icyo gice cy’umutima kigakora akazi neza ko kuringaniza umuvuduko w’amaraso ku buryo iyo umuntu afite umuvuduko ukabije w’amaraso guhoberana n’abantu yishimiye bishobora kugabanya cyangwa kuvura indwara ye.

Guhoberana bikiza indwara nyinshi mu buryo abantu batazi

4. Guhoberana byubaka icyizere mu bantu

Abashakanye cyangwa abakundana ibi bashobora kubyumva vuba, burya iyo umukunzi wawe yakumenyereje kuguhobera maze igihe kimwe mwahura akaguhereza ikiganza wumva umugizeho ikibazo ndetse bamwe bashobora no kubishwanira.

Impamvu nuko iyo ataguhobeye uhita wiyumvisha ko byerekana ko atakikwishimira cyangwa se akaba afite undi muntu aharaye asigaye ahobera. Ni yo mpamvu guhoberana byongera icyizere mu bantu bafitanye umubano runaka.

5. Guhoberana binoza imikorere y’umutima:

Abashakashatsi bo muri Kaminuza ya North Carolina, muri Leta Zunze ubumwe za Amerika, bagaragaje ko abantu badahobera abakunzi babo baba bafite umutima utera cyane ku buryo ushobora gutera inshuro nyinshi mu munota ugereranyije n’uko umutima w’undi muntu ukunda guhoberana utera.

Niba rero ufite umukunzi, inshuti wishimira cyangwa abanyamuryango bawe ba hafi, ntukivutse amahirwe yo guhobera na igihe muhuye kuko uzaba wigirira neza mu buryo bumwe cyangwa ubundi.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU