Nyuma y’imyaka irenga itanu atandukanye n’umuraperi K8 Kavuyo, Miss Bahati Grace wabaye Nyampinga w’u Rwanda mu mwaka wa 2009 amaze igihe asubiye mu buzima bw’urukundo n’undi musore

Miss Bahati Grace yavuze ku byishimo aterwa n'umusore mushya bakundana

Yashimangiye ko afite ishimwe ku mutima ku bw’urukundo rwe n’umusore witwa Parfait na we w’Umunyarwanda ariko uba muri Canada. Ntahishira ubumwe bafitanye muri iki gihe, atangaza umunezero yamuhaye abinyujije ku mbuga nkoranyambaga akoresha.


Abinyujije kuri Instagram ye, Bahati Grace yanditse  ko “yishimiye uyu mugabo utinya Imana”, inyandiko yakurikije akamenyetso k’ibiganza by’ishimwe n’ak’umutima gashushanya urukundo afitiye Parfait. Ni ubutumwa yanditse ku ifoto bafashe yamusuye mu Mujyi wa Edmonton wo mu Ntara ya Alberta yo muri Canada.

Miss Bahati Grace yavuze ku byishimo aterwa n'umusore mushya bakundana

Uyu mukobwa wabaye Nyampinga w’u Rwanda mu 2009 yari aherutse gutangaza ko umukunzi we mushya yamuryohereje umwaka wa 2018. Yongeye guhamya ko yamukundiye kuba ari umuntu utinya Imana mu gihe na we bizwi ko muri Leta Zunze Ubumwe za Amerika yabaye mu muryango w’ababwirizabutumwa byatumye arushaho kwiyegurira amasengesho ndetse agashibukamo umunyagakiza.

Inshuti ya hafi ya Miss Bahati Grace yari iherutse guhishurira Ikinyamakuru Isimbi.rw ko uyu musore ashobora gutera ivi vuba aho. Yagize ati:“Ibyabo bigeze kure” , ndetse ashimangira ko bashobora kurushinga mu gihe cya vuba.

Miss Bahati Grace yavuze ku byishimo aterwa n'umusore mushya bakundana

Yongeyeho ko nubwo umusore akorera muri Canada akenshi amanuka muri Leta Zunze Ubumwe zaAmerika gusura Bahati Grace.

Bahati Grace ni ubwa mbere akundanye n’undi musore nyuma ya K8 Kavuyo babyaranye umwana bakamwita Ethan Muhire. Uyu muraperi na we afite umushinga wo kurushinga n’undi mukobwa witwa Umutoni Cynthia wamubyariye umwana wa kabiri.

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU