Umusore w’imyaka 25 yafashwe n’Inzego z’umutekano mu Karere ka Nyarugenge ashinjwa gusambanya abana bo mu muhanda bahuje igitsina ku gahato.

Irebere umusore ushinjwa gusambanya abana bo mu muhanda bahuje igitsina

Uyu musore ukomoka mu Karere ka Huye yafashwe mu ijoro ryo ku wa Gatandatu tariki ya 5 Mutarama 2019, bigizwemo uruhare n’urwego rwunganira uturere mu gucunga umutekano, DASSO, mu Karere ka Nyarugenge.

Ifatwa rye ryakurikiye ubusabe bw’abana b’abahungu bo mu mihanda muri ako karere, bavugaga ko bahangayikishijwe n’ubuzima bwabo biturutse ku buryo uwo musore abasambanya nta n’agakingirizo akoresheje.

Umwe muri bo yabwiye IGIHE ati: “Adufata ku ngufu, abanza akagushukisha utundi tuntu na kore, ugashiduka yamaze kukwambura ikabutura, ukabyemera kugira ngo atagukomeretsa.”



Uwo musore ushinjwa gusambanya abana bo mu muhanda ariko yavuze ko ingeso yo gusambanya bagenzi be bahuje igitsina yayicitseho, nyuma yo kugirwa inama na bagenzi be.

Ati: “Narabikoraga gusa bagenzi banjye twaricaye bangira inama bambwira ko ibyo bintu atari byiza ngomba kubyihana kuko ari ingeso mbi, mpitamo ku bireka.”

Yavuze ko yiteguye gutungira agatoki inzego bireba abandi bantu basambanya abana bo mu muhanda.

Itegeko risobanura gusambanya umwana nko gushyira igitsina mu gitsina, mu kibuno cyangwa mu kanwa k’umwana; gushyira urugingo urwo arirwo rwose rw’umubiri w’umuntu mu gitsina, cyangwa mu kibuno cy’umwana no gukora ikindi gikorwa cyose ku mubiri w’umwana hagamijwe ishimishamubiri.

Ubihamijwe n’urukiko ahanishwa igifungo kitari munsi y’imyaka 20 ariko kitarenze imyaka 25. Iyo gusambanya umwana byakorewe ku mwana uri munsi y’imyaka cumi n’ine 14, igihano kiba igifungo cya burundu kidashobora kugabanywa kubera impamvu nyoroshyacyaha.

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU