Mu nama yahuje Police, RURA, RCA, n’ibigo bibiri bifasha abamotari kunoza imyishyurire hemejwe ko nyuma y’ibarura rusange ry’abamotari bemerewe gukorera mu Rwanda, Plaque za moto zizashyirwa imbere mu nsi gato y’itara rinini. Ibi ngo bizafasha abagenzi kumenya moto bagizeho cyangwa bagiranye ikibazo.

Plaque za moto zigiye kujya zandikwa n’imbere hayo

Hashize iminsi abagenzi batega moto mu bice bitandukanye by’u Rwanda banubira ko hari abamotari batari inyangamugayo bishyura Frw 5000 bagahita batsa moto bakayajyana.


Emmanuel Ngarambe uyobora impizamashyirahamwe y’abamotari, FERWACOTAMU, avuga ko bon a Police y’u Rwanda, ishami rishinzwe umutekano mu muhanda, babona amakuru aturuka henshi avuga ko hari abamotari banga kugarurira abagenzi bakirukanaka amafaranga yabo.

Ngo no mu minsi mike ishize hari umumotari watwaye igikapu cy’Umuzungu uturuka mu Bufaransa. Ngarambe ati “ Mu by’ukuri ibi bintu biduhasha isura mbi nk’abamotari ndetse n’abanyarwanda muri rusange.”

Igitekerezo cyo kureba ahandi hantu kuri moto bashyira Plaque za moto ngo cyaje kugira ngo kijye gifasha abagenzi gufata mu mutwe nimero ziranga moto kugira ngo bazabone uko barenga iyo moto niba uyitwaye abibye amafaranga yabo cyangwa ikindi kintu.

Avuga ko n’ubwo byazabanza kugora bamwe mu bagenzi, ariko ngo bazamenyera gahoro gahoro bjye bareba aho ziriya nomero ziri kandi ngo bizabafasha.

Umuyobozi mukuru wungirije wa Police DIGP Felix Namuhoranye nawe yanenze abamotari bitwara kuriya. CP Namuhoranye yavuze ko ababikora bicira bagenzi babo izina kuko ngo ubusanzwe abamotari bakora neza kandi akazi kabo ari ingirakamaro ku gihugu.

Yasabye abamotari kwamagana abo yise ‘inyeshyamba’ ziba abagenzi bikabitirirwa bose

Ati: “Uko muri hano ndabizi ntimukora ibyo bariya bakora. Nta muntu waje hano wakora ibintu nka biriya. Mudufashe tubarwanye bareke kubicira izina. Muduhe umwanya wo guhangana na bariya babiyitirira”

Umwe mu bamotari witwa Bapfakurera yabwiye Umuseke ko nabo bibababaza kwitirirwa ubujura bwakozwe n’abandi. Ngo ingamba zose impuzamashyirahamwe yabo na Police bazafata bagamije guhashya ababicira izina azazishyigikira

Ati: “Nsanga buri mumotari w’umwuga agomba guharanira ko ziriya nyeshyamba zicika mu muhanda. Tuzafasha inzego zose bireba kubigeraho.”

Imibare iheruka gutangazwa na FERWACOTAMU ivuga mu Rwanda hari abamotari bemewe n’amategeko bagera ku bihumbi 24, muri bo ibihumbi 13 bakorera mu mugi wa Kigali.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU