Urwego rw’Igihugu rw’Ubugenzacyaha (RIB) rwatangaje ko umuntu wese ubiba amacakubiri arimo gukora icyaha gihanwa n’amategeko y’u Rwanda kandi ko atazigera yihanganirwa.

RIB: Abarimo guhembera amacakubiri buririye kuri Miss Rwanda ntibagomba kwihanganirwa

RIB yabitangaje nyuma y’amagambo atandukanye ashingiye ku moko yakwirakwijwe ku mbuga nkoranyambaga, y’abiyambitse isura y’abashyigikiye umwe mu bakobwa bahatanye muri Miss Rwanda 2019, Mwiseneza Josiane, ngo batambutse ubutumwa bwabo.


Hari nk’uwanditse kuri Facebook yiyise Nkurikiyimana Alan Hubert, ati: “Igihe ni iki Abahutu nabo bagatorwa muri nyampinga, Josiane 100% turi kumwe ikamba rigomba kuba iryawe igihe Abatutsi batorewe birarambiranye.”

Hari n’abandi bagiye mu myirondoro y’uyu mukobwa bazana ibijyanye n’amateka ye, bagamije gutambutsa ibitekerezo byabo bishingiye ku moko.

Ni ubutumwa Komisiyo y’igihugu yo kurwanya Jenoside, CNLG, yamaganiye kure, mu itangazo yashyize ahagaragara kuri uyu wa Gatanu.

Iti: “CNLG yamaganye imvugo yuzuye ivangura rigamije gukwirakwiza amacakubiri ashingiye ku moko ya Hutu/Tutsi no kugaragaza ko hari ubwoko buruta ubundi. Mu Rwanda ntitukiri igihugu kirangwa n’amacakubiri ashingiye ku moko.”

Abarimo guhembera amacakubiri buririye kuri Miss Rwanda ntibagomba kwihanganirwa

Komisiyo y’Igihugu y’Ubumwe n’Ubwiyunge yo yavuze ko igaya kandi “Iramagana abakwirakwiza ubutumwa ku mbuga nkoranyambaga ku itorwa rya MissRwanda2019, bukurura amacakubiri yo kurebera abantu mu ndorerwamo z’amoko yakomerekeje Abanyarwanda mu bihe byashize by’amateka mabi u Rwanda rwanyuzemo.”

Abarimo guhembera amacakubiri buririye kuri Miss Rwanda ntibagomba kwihanganirwa

Perezida w’iyi Komisiyo, Ndayisaba Fidele we yanditse kuri Twitter ati: “Abakobwa bahiganwa muri #MissRwanda2019 ni Abanyarwanda ibindi nta gaciro. Abantu babahe amahoro barushanwe ntakibaziga.”

Mu butumwa yanyujije kuri Twitter, Umunyamabanga Mukuru Wungirije wa RIB, Karihangabo Isabelle, yavuze ko abagerageza guhembera amacakubiri batazigera bihanganirwa.

RIB: Abarimo guhembera amacakubiri buririye kuri Miss Rwanda ntibagomba kwihanganirwa
Umunyamabanga Mukuru Wungirije wa RIB, Kalihangabo Isabelle yashimangiye ko ababiba amacakubiri atari bo kwihanganirwa

Ati: “Umuntu wese ukoresha imvugo zihembera amacakubiri arakora ibyaha bikurikiranwa bikanahanirwa. Uwo ari we wese ntashobora kwihanganirwa.”

Abarimo guhembera amacakubiri buririye kuri Miss Rwanda ntibagomba kwihanganirwa

Ubu butumwa bwakiranywe yombi n’abantu batandukanye, banditse basaba ko ababiba amacakubiri babiryozwa.

Nk’uwitwa Bruno N.Mana, yanditse ati: “Dukeneye kumva abakurikiranywe kubera icyo cyaha! Nibwo byamekana ko bihanirwa koko.”

Bruno N Mana

Uwitwa Ngabonziza we yagize ati: “Ariko mugenzure neza abo bose bagaragaweho n’iyo mvugo bashobora kuba bafite uburwayi bukomeye babanza bakajyanwa kwa muganga basanga ari bazima bagashyikirizwa ubutabera vuba na bwangu.”

Abarimo guhembera amacakubiri buririye kuri Miss Rwanda ntibagomba kwihanganirwa

Ingingo ya 164 y’Itegeko riteganya ibyaha n’ibihano mu Rwanda ivuga ko umuntu ukoresha imvugo, inyandiko, cyangwa igikorwa icyo ari cyo cyose gitanya abantu, byatuma abantu bashyamirana, cyangwa bigatera intugunda mu bantu, bishingiye ku ivangura aba akoze icyaha.

Iyo abihamije n’urukiko ahanishwa igifungo kitari munsi y’imyaka itanu ariko kitarenze imyaka irindwi n’ihazabu y’amafaranga y’u Rwanda atari munsi y’ibihumbi magana atanu ariko atarenze miliyoni imwe.

Ingingo ya 163 isobanura ko icyaha cy’ivangura ari igikorwa kibangamira umuntu umwe cyangwa abantu benshi cyangwa gitandukanya umuntu cyangwa abantu benshi hashingiwe ku isano muzi, ubwoko, inkomoko, umuryango, inzu, ibara ry’uruhu, igitsina, akarere, ubwenegihugu, idini, ibitekerezo bya politiki, ibyiciro by’ubukungu, umuco, ururimi, imibereho muri sosiyete, ubumuga bw’umubiri cyangwa bwo mu mutwe cyangwa isura y’umubiri.

Biteganyijwe ko Miss Rwanda 2019 amenyekana kuri uyu wa Gatandatu, mu birori birabera muri Intare Conference Arena, i Rusororo.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU