Mu ijoro ryo kuri uyu wa kabiri tariki ya 01 Mutarama 2019, Umuraperikazi Sandra Miraj ntiyatangiye umwaka neza dore ko umugore wa Bulldog witwa ‘Nelly’ yamukubitiye mu gitaramo cyabereye Kabeza cyo kwakira Jay Polly.

Iki gitaramo cyabereye ahazwi nka Wakanda cyari kitabiriwe n’abantu b’ingero zose biganjemo ibyamamare bitandukanye mu Rwanda nka Bulldog, Safi, Jay Polly uherutse gufungurwa, Khalifan, Allysoud, Queen Cha n’abandi benshi.

Mu byavuzwe cyane mu gitondo cyo kuri uyu wa gatatu tariki ya 02 Mutarama 2019, n’imirwano yabaye hagati y’umugore wa Bulldog usanzwe witwa Nelly ndetse n’umuraperikazi wigizwe gukundwa mu myaka yashize ‘Sandra Miraj.’

Sandra Miraj yagiye kubyinisha Bulldog kuri Stage bimuviramo gukubitwa na Nelly
Sandra Miraj yagiye kubyinisha Bulldog kuri Stage bimuviramo gukubitwa na Nelly

Bijya gutangira, Bulldog yagiye kuri Stage aririmbira abakunzi be nk’umuhanzi wari watumiwe nk’abandi bose. Ubwo Bulldog yararimo aririmba, Sandra Miraj yamusanze kuri Stage atangira kumubyinisha maze Nelly waruri hafi y’umugabo we aba asanze Miraj aho yarari niko kumuzunguza amukubita hasi ahita yidendera. Abashinzwe umutekano nibo baje kwegura Sandra Miraj baramusohora ahita ataha, mu gihe Nelly yasigaye amutuka cyane ubwo ko atishimiye imico y’uyu muraperikazi.

Sandra Miriaj yagendaga yongorera utuntu Bulldog
Sandra Miriaj yagendaga yongorera utuntu Bulldog
Sandra Miraj aryamye hasi amaze gukubitwa na Nelly
Sandra Miraj aryamye hasi amaze gukubitwa na Nelly
Nelly yahise yigendera mu gihe Bulldog we atamenye nibyabaye
Nelly yahise yigendera mu gihe Bulldog we atamenye nibyabaye
Bamwe mu bitabiriye iki gitaramo
Bamwe mu bitabiriye iki gitaramo

Mu bindi byaranzwe iki gitaramo harimo kuba Jay Polly wari umuhanzi nyamukuru yananiwe kuririmba kubera ubusinzi bikarangira bamuvanye kuri Stage atarangije gutaramira abakunzi be.

TANGA IGITEKEREZO KURI IYI NKURU