Abarundi bacitse ururondogoro kubera amakuru ari kuvugwa ko umugore wa Perezida Pierre Nkurunziza ashobora kwiyamamariza kuyobora Uburundi mu matora ateganyijwe kuba mu mwaka utaha.

Umugore wa Nkurunziza ashobora kwiyamamariza kuyobora U Burundi muri 2020

Umunyamakuru Serge Nibizi wahoze akora kuri Radio ya RPA, yatumye benshi bacika ururondogoro kubera amakuru yatangaje kuri Twitter ye ko hari umugambi w’uko umugore wa Perezida Nkurunziza, Denise Nkurunziza Bucumi ari gutegurirwa kwiyamamariza kuyobora uburundi ahagarariye ishya rya CNDD FDD riri ku butegetsi.


Yagize ati: “Hari umugambi w’uko Denise Nkurunziza Bucumi umugore wa Perezida Nkurunziza, ashaka kwiyamamariza kuyobora Uburundi, agafata umwanya umugabo we yarimo. Byateje umwuka mubi mu ishyaka no mu Buyobozi.”

Serge Nibizi yavuze ko iyi nkuru yo kwiyamamaza kwa Denise Nkurunziza iteye impungenge ishyaka rya CNDD FDD cyane ko rigombwa kwitegura guhangana na Agathon Rwasa watangaje ko aziyamamaza.

Uyu munyamakuru uzwi cyane mu Burundi, yatumye Abarundi bacika ururondogoro bamubaza aho amakuru y’uko Denise Nkurunziza Bucumi ashobora kwiyamamariza kuyobora yayakuye abandi barayamagana karahava.

Ikibazo cy’uzahagarararira ishyaka rya CNDD FDD mu matora kimaze gufata intera ikomeye ndetse ikinyamakuru cyo mu Burundi cyitwa Ubm News cyo cyemeje ko byateye amacakubiri mu banyamuryango.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU