Umunyamideli Huddah Monroe wo muri Kenya, ukunze gutangaza ko ibyo atunze abikesha igitsina cye, yaciye amarenga ko yaba yitegura gushyingirwa vuba.

Umunyamideli Huddah Monroe yaciye amarenga ko agiye kurongorwa

Umunyamideli Huddah Monroe yisegura ku bo yaba yaragiranye nabo ibibazo mu mwaka wa 2017, akishimira ko yasoje uwa 2018 ntawe bashwanye, by’umwihariko agatanga icyizere ko 2019 ashobora gutaha mu rwe.


Abicishije ku rukuta rwe rwa Instagram, Huddah yagize ati: “Nta muntu n’umwe twafatanye mu mashati mu 2018, nkaba mfashe n’aka kanya nkisegura ku bo twakimbiranye mu mwaka wa 2017, ndimo kwiyumva nk’umuntu ugiye gushyingirwa ndetse nkeneye abazanyambarira.”

Huddah Monroe, yakunze kwigamba ko imitungo afite ayikesha igitsina cye, umwaka wa 2017 ubwo yabicishaga ku rukuta rwe rwa Instagram, yagize ati: “Nazanzamuwe n’igitsina cyanjye, ubu ndatwara imodoka ihenze (Rolls Royce), mukomeza gukora akazi k’ububoyi”

aya magambo yayashyiranyeho n’ifoto ye ari imbere y’iyo modoka ye ihenze.
Aya magambo yayashyiranyeho n’ifoto ye ari imbere y’iyo modoka ye ihenze.

 

Mu mpera z’umwaka ushize nabwo abicishije kuri Instagram, yatanze impanuro ku bagore abasaba kwirinda kuba bashwana n’abagabo babo ngo ni uko babaciye inyuma, ahubwo ko bagakwiye kubashwanira mu gihe babona mu ikofi yabo nta kintu kirimo.

Umunyamideli Huddah Monroe yaciye amarenga ko agiye kurongorwa

 

Aha kandi yanabagiraga inama yo kwinezeza mu mibonano mpuzabitsina n’abo bashaka ariko bakirinda ko abagabo babo babimenya cyangwa kuba baterwa inda.

Yagize ati: “Mu gihe wumva ushaka umugabo utari uwawe cyangwa se inshuti yundi, genda muryamane, ariko wikingire kandi wirinde ko umugabo wawe abimenya cyangwa ngo ugwe mu rukundo, turi ibiremwa kandi ubuzima ni ubwo kubaho,…”

Umunyamideli Huddah Monroe yaciye amarenga ko agiye kurongorwa

Huddah Monroe, ni umunyamideli uzwi cyane muri Kenya ndetse no muri aka karere, yahagarariye igihugu cya Kenya muri Big Brother Africa mu mwaka wa 2014 (BBA).

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU