Mu Karere ka Rwamagana, Umurenge wa Gishari, umwarimu wo mu ishuri rikuru ry’ubumenyingiro rya IPRC Gishari yatawe muri yombi akekwaho gufata ku ngufu amwana w’umuhungu, abanje kumuha ibiyobyabwenge.

Umwarimu afunzwe akekwaho gufata ku ngufu amwana w’umuhungu

Byabereye mu Murenge wa Gishari, Akagari ka Bwinsanga, Umudugudu w’Akanogo ku mugoroba wo ku wa 11 Mutarama 2019.

Umuyobozi wa IPRC Gishari yemereye IGIHE ko hari umwarimu wabo watawe muri yombi, bivugwa ko yazize gufata ku ngufu amwana mu gace atuyemo.


Amakuru avuga ko uwo mwarimu yahuye n’uwo mwana w’umuhungu w’imyaka 17 avuye mu gasanteri kugura amakayi, mwalimu nawe avuye guhaha.

Uyu mwalimu w’imyaka 37 ngo yahaye umwana agakapu yahahiyemo ngo amutwaze, umwana abanza kukanga ariko aza kukamufasha ngo ajya kwihagarika, agarutse umwana akamusubije arakanga akomeza kugenda yerekeza aho aba.

Umwana yakomeje kugenda amukurikiye, bageze aho aba arakingura, bageze mu nzu ngo aramukingirana amuha fanta mu kirahure, arayinwa nyuma atangira gusinzira.

Umwana ngo yasabye mwarimu kumufungurira agataha arabyanga, amujyana mu buriri bwe aramusambanya. Nyuma amusaba kuhaguma bakararana, umwana arabyanga, amuha amafaranga 2000Frw ngo ntazabivuge.

Se w’umwana ufite imyaka 53 avuga ko umwana yatashye hagati ya saa tanu n’igice na saa sita z’ijoro, akababwira uko byagenze bagahita babimenyesha inzego z’umutekano.

Umuvugizi w’Urwego rw’Igihugu rw’Ubugenzacyaha, Mbabazi Modeste, yamereye IGIHE mu butumwa mugufi ko uru rwego rwakiriye icyo kirego ku wa 12 Mutarama.

Ati “RIB iriho iramukurikiranaho icyaha cyo gusambanya umwana, hakurikijwe ya 133 mu itegeko 68/2018, ryo ku wa 13/08/2018.”

Ingingo ya 133 y’igitabo cy’amategeko ahana ibyaha mu Rwanda ihana umuntu wese uhamijwe gushyira igitsina mu gitsina, mu kibuno cyangwa mu kanwa k’umwana; gushyira urugingo urwo arirwo rwose rw’umubiri w’umuntu mu gitsina, cyangwa mu kibuno cy’umwana no gukora ikindi gikorwa cyose ku mubiri w’umwana hagamijwe ishimishamubiri.

Iyo abihamijwe n’urukiko, ahanishwa igifungo kitari munsi y’imyaka 20 ariko kitarenze imyaka 25. Iyo gusambanya umwana ufite cyangwa urengeje imyaka 14 byamuteye indwara idakira cyangwa ubumuga, igihano kiba igifungo cya burundu.

Umwana wasambabyijwe yoherejwe ku bitaro bya Rwamagana gukorerwa isuzuma naho umwarimu afungiye kuri sitasiyo ya RIB ya Kigabiro, mu gihe nawe atagereje gusuzumwa.

Umwarimu wa IPRC gishari afunzwe akekwaho gusambanya umwana w'umuhungu
Umwarimu wa IPRC gishari afunzwe akekwaho gusambanya umwana w’umuhungu

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU