Amatora ya Perezida muri Repubulika iharanira Demukarasi ya Congo yatsinzwe n’umunyapolitiki utavugarumwe n’ ubutegetsi Félix Tshisekedi kuri 38,57% by’ amajwi y’ abatoye tariki 30 Ukuboza 2018.

Uwatsinze amatora ya Perezida wa Repubulika ya Demukarasi ya Kongo yamenyekanye

Komisiyo y’ amatora ya Congo yatangaje amajwi y’ agateganyo kuri uyu wa Kane tariki 10 Mutarama 2019. Aya matora yitabiriwe ku kigero cya 47,56% bahwanye na 18 280 820.


Martin Fayulu yaje ku mwanya wa kabiri, yatowe na 6 366 732 bahwanye (35,2%). Emmanuel Ramazani Shadary ku mwanya wa gatatu yatowe 4 357 359 bahanye na (23,8%).

Mbere y’ uko matora aba amashyaka atavugarumwe n’ ubutegetsi yahuriye i Geneve ahitamo ko Martin Fayulu azayahagararira muri aya matora, bidateye kabiri Felix Tshisekedi abivamo avuga ko ataziyamamazanya n’ ayo mashyaka yandi atavugarumwe n’ ubutegetsi.

Uwatsinze amatora ya Perezida wa Repubulika ya Demukarasi ya Kongo yamenyekanye

Felix Tshisekedi ni umuhungu wa Etienne Tshisekedi wakunze guhatanira kuyobora iki gihugu ariko akitaba Imana atanigezeho. Ishyaka ryo kuyobora Congo ryatumye arahirira iwe mu rugo nka perezida wa Congo, nyuma yo kuvuga ko Joseph Kabila yamwibye amajwi.

Ingengabihe y’ aya matora iteganya ko ibyavuye mu matora bizatangazwa tariki 15 Mutarama 2019, tariki 18 Mutarama 2019 nibwo Perezida wa Congo azarahira.

IREBERE VIDEO NHYA YA EESAM YISE WOWE GUSA:

TANGA IGITEKEREZO KURI IYI NKURU