Muri Uganda hagiye gutorwa abakobwa bafite ibibuno binini ku buryo bagiye kujya bajyanwa muri Pariki mu rwego rwo gukurura ba mukerergendo.

Abakobwa 140 bamaze kwiyandikisha mu irushanwa ry’abakobwa bafite ibibuno binini muri Uganda

Kuri uyu wa Gatanu tariki 08 Gashyantare 2019, Anne Mungoma, wateguye iri rushanwa ‘Miss Curvy Uganda’ yabwiye NTV Uganda  ko yatunguwe n’uburyo irushanwa ryakiriwe.


Yagize ati “Iri rushanwa rihurije hamwe abagore b’ubwiza n’ikimero bafite ikibuno kinini, tugomba kubyishimira. Dukwiye gushima ubuhanga bwabo kandi tugakuraho ko umukobwa mwiza agomba kuba atabyibushye nyine afite mu nda zero.”

Mungoma yavuze ko iri rushanwa ryateguwe mu murongo wo kwereka Isi ko Uganda ituwe n’abagore b’abanyafurika,  ari nayo mpamvu hatekerejwe uburyo bakwifashishwa kumenyekanisha ishusho y’ubukerarugendo muri Uganda. Yavuze ko hari ibihugu byinshi bifite ibyo byerekana mu bukerarugendo bwabo.

Ngo muri Uganda abakerarugendo berekwa Karimojong, Masai, n’ibindi ariko ngo ntabwo bitanga amafaranga menshi. Avuga ko nta mpamvu yo kubangamira abagore bafite ibibuno binini mu irushanwa, ngo cyeretse ubwiza bwarahariwe abakobwa bananutse.

Abakobwa 140 bamaze kwiyandikisha mu irushanwa ry’abakobwa bafite ibibuno binini muri Uganda

Yavuze ko umugore uzegukana irushanwa Miss Curvy Uganda azagira amahirwe yo guhatana mu irushanwa ry’abagore bafite ibibuno binini muri Afurika (Miss Curvy Africa), azanitabira kandi ahagarariye Uganda mu irushanwa ry’abagore bafite ibibuno binini ku Isi (Miss Curvy World).

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU