Aki na Pawpaw bamenyekanye muri filime ya Baby Police bazagera mu Rwanda kuri uyu wa Gatatu mu gitaramo cyiswe Naija-Rwanda Connect kigamije guhuriza hamwe imbaraga mu guteza imbere imyidagaduro yo mu Rwanda cyane cyane binyuze muri sinema.

 Aki na Pawpaw bamenyekanye muri Baby Police harabura iminsi micye ngo basesekare mu Rwanda

Aki na Pawpaw ni bamwe mu bakinny ba filime bamaze kwigarurira imitima ya benshi mu ruhando rwa cinema yo muri Nigeria aho kuri uyu wa Kane batumiwe mu gitaramo kiswe Rwanda Connect gifite intego yo guhuriza hamwe imbaraga mu guteza imbere imyidagaduro binyuze muri sinema.

Byari biteganyijwe ko aba bagabo bagomba kugera mu Rwanda kuri uyu wa Mbere gusa babwiye abateguye iki gitaramo ko urugendo rwabo rwigijwe inyuma ho iminsi ibiri bitewe n’uko bari mu bikorwa byo kwamamaza umukandida uhatanira umwanya wa Perezida wa Nigeria.

Bagize ati “Bari kuza uyu munsi ariko bazaza kuwa Gatatu. Hari ibikorwa byo kwamamaza barimo, babasabye ko baza birangiye.”

Aki na Pawpaw bafite igitaramo cy’urwenya kizabera muri Kigali Conference and Exhibition Village [Camp Kigali] ku wa Kane tariki 14 Gashyantare 2019 ku munsi wahariwe abakundanye, aho bazaba bari kumwe n’abandi banyarwenya bo mu Rwanda nka Babou, Joshua, Divin na Kibonke.

Mu bikorwa bindi bazakora harimo nko kuba bazatanga amahugurwa ku bakinnyi ba filime bo mu Rwanda n’abifuza kuba bo, afite umushinga mugari wo gukinira filime mu Rwanda, aho gufata amashusho bizatangira muri Werurwe 2019. Iyi filime izaba yitwa ‘Big Tea’ izaba ari uruhererekane, bazayifatanya n’abandi bakinnyi bo mu Rwanda, aho biteganyijwe ko izerekanwa kuri televiziyo zo mu Rwanda no muri Nigeria.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU