Umuraperi nyarwanda Tuyishime Josua ufite izina ry’ubuhanzi rya Jay Polly, yavugishije abantu bongeye kumubona ari kumwe n’umuryango we ’umugore n’umwana’ bameze neza ku mazi.

Amafoto ya Jay Polly n’umugore we yatumye benshi bamusaba kutazongera kumukorera ibibi

Jay Polly uherutse gufungwa amezi atandatu kubera gukubita umugore akamukura amenyo byavugwaga ko ari abiri,abantu bakibaza amaherezo yabo n’inkuru zigakorwa mu bitangazamakuru ko yaba yaratandukanye n’umugore we batakibana kuva yava muri Gereza,bongeye kwerekana ko umubano wabo ugikomeje ubwo bashyiraga hanze amafoto yabo bari mu buryohe bw’urukundo ku mazi.

Aya mafoto Jay Polly aheruka gushyira hanze agaragaza ko n’umugore we umubano wabo ugikomeje,ibintu byishimiwe n’abakunzi b’uyu muraperi batari bake ndetse harimo n’abagiye bamusaba kutazongera gukora amabara akubita umugore ko bakunda umuryango wabo,hari n’uwabajije impamvu ngo bavuze ko yamukuye amenyo yose ariko akaba abona ayafite nta na rimwe ryavuyemo.

Umwe yagize ati: “Kabaka mn ntuzongere gukora amabara man..dore uba urimo uraturaburiza twe nk’abafana bawe mn”,Undi we yaje abaza iby’amenyo y’umugore wa Jay Polly byavuzwe ko yamukuye,aho yagize ati “None se ko mbona yose akirimo kandi baravuze ko Kabaka yamumazemo amenyo yose”.

Twabibutsa ko amenyo byavuzwe ko Jay Polly yakuye umugore we ari abiri gusa urukiko rukamusaba kumugurira andi y’insimburagingo. Kuva Jay Polly yava muri gereza amaze gushyira hanze ndirimbo ebyiri arizo Umusaraba wa Joshua na Inshuti Nyazo’.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU