Umunyarwenya Mugisha Emmanuel Clapton uzwi nka Kibonke, ararebana ay’ingwe na Umurerwa Belinda wamuhaye akazi mu gitaramo cya Naija Rwanda Connect cyari cyatumiwemo abanya-Nigeria Aki na Pawpaw.

Belinda Umurerwa wateguye igitaramo cya Naija Rwanda Connect aranyommoza amkuru kibonke yatangaje ko yamwambuye

Tariki ya 14 Gashyantare 2019 nibwo habaye igitaramo cy’urwenya cyari cyatumiwemo abanyarwenya bo muri Nigeria bazwi muri filime zitandukanye Aki na Pawpaw aho bafatanyije n’abandi bo mu Rwanda barimo Kibonke, Joshua, Divin, Babu n’abagize Daymakers.

Ni igitaramo cyitabiriwe n’abantu bake cyane n’ubwo abagiteguye batangaje ko batari bagamije kwinjiza amafaranga, ahubwo bashakaga kumurika umushinga wiswe Naija-Rwanda Connect ugamije guteza imbere sinema nyarwanda ku bufatanye n’iyo muri Nigeria.

Ku Cyumweru, Kibonke yanditse kuri Instagram amagambo agaragaza ko afitanye ikibazo n’abayoboye umushinga wa Naija-Rwanda Connect ariko ntiyerura ngo avuge ibyo ari byo. Yagize ati  “Aba basitari bo muri Nigeria nta byabo! Ngo Naija-Rwanda Connect?”

Mu Kiganiro kigufi yagiranye na TouchRwanda  yavuze ko hari ibyo ategereje kuvugana n’abari bamuhaye akazi, batakumvikana agashyira hanze ibyo bapfa.

Ngo Kibonke ni we bavuganye ubundi yizanira abandi gusa abo muri Daymakers bo ntibari kwishyurwa kuko bashakaga kwiyerekana.

Umurerwa Belinda uhagarariye uyu mushinga wa Naija-Rwanda Connect akaba ari nawe wahaye akazi abakoze mu gitaramo cyo kumurika umushinga, nawe twamegereje  adutangariza  ko icyo ari gupfa na Kibonke ari uko atararangiza kumwushyura amafaranga bari bumvikanye.

Umurerwa yavuze ko yakabaye yarishyuye Kibonke mu cyumweru gishize, ariko bitewe n’uko we n’abashyitsi bo muri Nigeria bari bafite gahunda nyinshi byatumye atabona umwanya wo kujya kuri banki.

Ati “Nari namuhaye avansi, kuko muri iyi minsi twari dufite inama nyinshi muri Minispoc, RDB, Airtel n’ahandi. Naramubwiye ngo arindire weekend ivemo mwishyure.”

Yongeyeho ko hari amafaranga yoherejwe aturutse muri Nigeria yagombaga kunyuzwa muri Access Bank ariko akayobera muri Banki ya Kigali nabyo bigatuma atabonekera igihe.

Umurerwa yavuze ko ibyakozwe na Kibonke yabifashe nko kumutera ubwoba bituma afata icyemezo cyo kuba aretse kumwishyura kugeza igihe yicaye bakumvikana.

Ati “Nkibibona namwandikiye mubabaza impamvu yabikoze. Ariko niba ariyo nzira yumva yanyuramo ngo yishyurwe reka akomeze nta kibazo. Nareke kunshyiraho igitutu, ndashaka kumwishyura kandi nzamwishyura ariko nabanze akore ibyo byose ari kwizeza abantu, ubundi agaruke.”

Nta masezerano yanditse Kibonke yagiranye na Umurerwa ngo ahubwo ‘nakomeza kuvuga akagira uwo asebya arajyanwa mu nkiko’.

Belinda Umurerwa wateguye igitaramo cya Naija Rwanda Connect aranyommoza amkuru kibonke yatangaje ko yamwambuye

Biteganyijwe ko mu mushinga wa Naija-Rwanda Connect abakinnyi ba filime Aki na Pawpaw bazahurira n’abandi bakinnyi b’abanyarwanda muri filime imwe.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU