Nyuma y’ababahanzi  barimo  Oda Paccy,Charly na Nina ndetse na Pius hamwe na Urban boys, Christopher nawe yasezeye muri Salax Awards.

Christopher yiyongereye ku bahanzi bivanye muri Salax Awards

Christopher wikuye muri iki gikorwa ku nshuro ya kabiri ariko akaba abikoze ku giti cye dore ko mbere yari afite abajyanama ari nabo bari bafashe iki cyemezo.


Abinyujije kuri  Instagram, yagize ati: “Muraho. Twabamenyeshaga ko izina Christopher ritazitabira izi Awards. Twabibonye dutinze kuko abategura izi Awards batatumenyesheje mbere yo gusohora uru rutonde.”

Yakomeje ati “Twabimenyesheje ababishinzwe batwizeza ko baza kubikosora izina Christopher rigakurwa kuri uru rutonde.Turabashimiye cyane mwe mwese mwafashe akanya kanyu mugatora Christopher.”

Mu impamvu ziri gutuma bamwe mu bahanzi basezera harimo nko kuba AHUPA yahawe inshingano zo gutegura iri rushanwa batarabanje gukemura bimwe mu bibazo Ikirezi groupe yarifitanye n’abahanzi ibi bikaba byaratangajwe na Clement uhagarariye Kina Music.

Humble nawe ukuriye itsinda rya Urban Boys nawe yahise yemeza ko imitegurire yiri rushanwa ko igoye batayivamo.

Ati “Twasanze kuri iyi nshuro twaba tutarimo. Ni impamvu zacu bwite ariko ibintu byabo uburyo biteguye ntabwo tubyemeranya na byo, hari nk’aho bavuga ngo nta muhanzi wemerewe kujya mu byiciro bibiri urundi ruhande ugasanga hari abahanzi babirimo. Ikindi uburyo biteguye n’amabwiriza twe twumvise tutabibasha.”

Christopher yiyongereye ku bahanzi bivanye muri Salax Awards

Rwema Dennis ukorana bya hafi na Charly na Nina na DJ Pius wari unabahagarariye mu kiganiro abahanzi bari guhatana muri ibi bihembo bagiranye n’ababiteguye, yavuze ko  batanyuzwe  n’uburyo abahatana batoranyijwemo.

Ati “Ni njye wujuje ibintu byose, hari ibyo twasabye abantu bateguye irushanwa ntibabikora. Mu magambo make uko batoranyije abahatana ntabwo byatunyuze.”

Rwema yaboneyeho kwerura ko batazigera bandika ibaruwa ko isezera kuko nabo batabandikiye mbere yuko bajya kubashyira mu irushanwa.

Abashinzwe gutegura iri rushanwa bavuze ko badatewe ubwoba n’abahanzi bakomeje kuryivanamo ndetse babahishurira ko batabikoze bashaka kunezeza aba bahanzi.

Ati “Ntabwo twagiye gutoranya abahanzi bagomba kwitabira Salax Awards kugira ngo dushimishe Charly na Nina cyangwa Dj Pius, ntabwo aribo dukorera turi ku bahanzi bose. Nkeka ko abahanzi batatu cyangwa babiri mu barenga 50 dufite ubu batanyuzwe nabyo ntabwo byatubuza gukomeza.”

Mu kiganiro babajijwe icyo bakora mu gihe abahanzi bose basezeye maze basubiza ko bitabaho kuko bose badatekereza kimwe.

Ati “Izabaho kandi izagenda neza, iyo uvuyemo uba uhaye amahirwe undi mwana ubikeneye”.

Christopher yiyongereye ku bahanzi bivanye muri Salax Awards

Biteganyijwe ko taliki ya 8 Mutarama aribwo hazatangazwa abahanzi 5 bakuwe muri buri kiciro mu gihe Abahanzi bazarenga ijonjora ry’ibanze bazahita bagenerwa amafaranga ibihumbi 100 Frw naho uzatsinda muri buri cyiciro azahabwa miliyoni imwe y’amafaranga y’u Rwanda.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU