Mu gihe mugitangira gukundana mushobora gukora amakosa akaba yatuma mutandukana byihuse, cyangwa niyo mwakomeza gukundana mukazabana nabi kuko mutabyitwayemo neza kuva mu ntangiriro.

Dore amakosa mugomba kwirinda iyo mugitangira gukundana

Ni byiza ko abagitangira gukundana biha intangiriro ihamye birinda gukora amakosa buri bantu bagitangira gukundana bagomba kwirinda:


Ni byiza kuba mu rukundo n’uwo mukundana kandi mwiyumvanamo bisesuye, niyo mpavv hari ibyo mwagakwiye kwirinda igihe mugitangira gukundana, ibi kugirango bibarinde kuba mwahita mutandukana cyangw ase bikaba byazabatera kubana nabi bitewe n’intangiriro mbi mwagize.

Kwihutisha ibintu

Iyo abanu bagitangira gukundana baba bafite byinshi bagomba kwiganaho, nyamara hari ubwo umwe aba aje afite gahunda y’ubukwe ugasanga ahise ayikubita kuri mugenzi we. Hari n’abahita batangira kwibaza abana bazabyara n’ibindi. Urugendo rwo gukundana rugomba kugenda intambwe ku yindi nta kwihutisha ibintu.

Kuvuga cyane ku bo mwigeze gukundana

Ntabwo ari byiza ko iyo mugitangira gukundana muhora mubwirana amateka y’abo mwakundanye nuko byagenze. Gerageza kugira aho ugarukira ibindi aba azagenda abimenya buhoro buhoro uko iminsi ishira muri kumwe.

Kwiburira umwanya

Nubwo uba ugiharaye uwo mukundana ntabwo ari byiza ko umwanya wose uwumuharira ngo wowe wiburire umwanya. Kuva mugitangira gukundana , ishakira uwmanya wawe uhagije wigengaho aho kuba ibyo ukora byose usa nkaho ariwe ugukoresha. Ufite uburenganzir abwo gufata umwanzuro utagendeye ku bitekerezo bye.

Kwibwira ko byose bigomba kugenda neza

Ntabwo ibibazo hagati y’abakundana biba gusa ku bamaranye igihe kirekire. N’abamaranye igihe kigufi bagira ibyo batumvikanaho kandi ntabwo bivuze ko biri butume muhita mutandukana.

Kwitangira cyane urukundo rwanyu

Si byiza kuba wakwitangira urukundo rutari rwashinga imizi ngo utangire kuroshoramo cyane. Aha igishoro ntabwo bivuze imitungo gusa, ahubwo hazamo igihe, ibitekerezo n’ibindi. Genda gahoro kandi ugendere ku ntera imwe n’uwo muri gukundana kugirango utamusiga, hato utazashengurwa nuko mutagikomezanyije kandi wari waritanze cyane.

Kwitanga mu rukundo ni ngombwa ariko bifite igihe bigomba gutangirira bitewe naho urukundo rwanyu rugeze.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU