Inzego z’umutekano muri Burkina Faso, zatangaje ko zishe umubare munini w’inyeshyamba  ubwo bihoreraga ku bw’igitero cyapfiriyemo abasivile 14 mu Burasirazuba bw’iki gihugu.

Igisirikare gitangaza ko ku Cyumweru abagabo bitwaje intwaro bagabye igitero ahitwa Kain, mu Ntara ya Yatenga abasivile basaga 10 bakahaburira ubuzima.

Mu itangazo ryasohowe n’igisirikare, rivuga ko bagabye ibitero simusiga mu ntara eshatu zo mu Burasirazuba bw’iki gihugu bica inyeshyamba 146.

BBC itangaza ko Leta ya Burkina Faso ifite abasirikare ku rubibi rutazitiye rwa Burkina Faso na Mali, aho abarwanyi ba Leta yiyita iya kisilamu bafite ibirindiro.

Abo barwanyi ngo bakunze kwinjira mu gihugu bakagaba ibitero ku basirikare ba leta badasize n’abasivile.

 

TANGA IGITEKEREZO KURI IYI NKURU