Muri ubu buzima bwo ku Isi, hari byinshi duhura nabyo bikadushimisha, ariko kandi hari n’ibyo duca mo bikadutera kwibaza tuti: “Ese Uwiteka, aranyibuka?”

Ijambo ry'Ihumure ritwibutsa uwiteka

Hari abantu batandukanye, twaganiriye nabo , mu gihe twari turi gutegura iyi ngingo, aho twababajije icyo kibazo «Ese Uwiteka aranyibuka?» maze bamwe batwerurira bashize amanga ko  Uwiteka yabibagiwe!

Urugero; Hari umubyeyi twaganiriye, maze aratubwira ati “Njyewe maze imyaka irenga 3 nsenga kandi ninginga Imana ngo intabare, ariko narategereje ndaheba! Nonese urumva Inyibuka koko?”

Uwo mubyeyi yavugaga ibyo afite ikiniga cyinshi rwose, uburyo yavugaga bwo nyine bwakwerekaga ko hari ikibazo afite kandi kimuremereye! Si uwo gusa kuko hari n’undi wagize ati: “Wimbaza ubusa! Ubu se wowe umubyeyi wawe ugukunda, yakwemera ko ubabara bene kano kageni?” uwo mugabo wambwiye atyo, yari arwaye cyane kandi arembye!

Nyamara n’ubwo bamwe bavugaga batyo, hari n’uwambwiye ati: “Oh! Cyane rwose! Nonese ko Uwiteka ari umubyeyi wanjye, urumva yanyibagirwa? Nonese niba Ingona ireberera ibyana byayo, ikemera kujya yirirwa ku nkombe, aho ishobora guhura n’ibibazo bitandukanye, hari mo no kubura ubuzima kubera ba Rushimusi, urumva koko Uwiteka ari we wasiga umwana yiremeye?”

Uyu mugabo, ibyo yavuga nawe yari afite impamvu!

Ndetse n’uvuga ko Uhoraho atamwibuka, afite impamvu! Ariko se Uwiteka yarakwibagiwe?

Ntibishoboka rwose! Reka twifashishe BIBILIYA, maze turebe niba yabikora, haragira hati “Mbese umugore yakwibagirwa umwana yonsa, ntababarire uwo yibyariye? Icyakora bo, babasha kwibagirwa, ariko jye Sinakwibagirwa. {Yesaya 49:15}

Rwose nkuko tubibonye hejuru, ntishobora kukwibagirwa! Ariko se Kuki udasubizwa??

Hana Umugore wa Elukana, yamaze igihe kinini atakambira Uwiteka kugira ngo arebe ko yakwibukwa. Kandi mukeba we yajyaga amubabaza cyane akamutera agahinda, kuko Uwiteka yari yaramuzibye inda ibyara. {1Samuel 1:6}

Ariko umunsi umwe ari mu nzu y’Uwiteka, ahiga umuhigo agira ati: “Nyagasani Nyiringabo, nureba umubabaro w’umuja wawe ukanyibuka,ntunyibagirwe ukampa umwana w’umuhungu, nzamutura Uwiteka, abe uwe iminsi yose yo kubaho kwe, kandi icyuma cyogosha ntikizamugera ku mutwe.” {1Samuel 1:11}

Ese Hana yaje gusubizwa?

Cyane rwose! BIBILIYA ikomeze igira iti: “Bukeye bazinduka kare mu gitondo bajya imbere y’Uwiteka barasenga, barangije  basubira iwabo basohora murugo rwabo i Rama. Maze Ulukana  aryamana n’umugore we Hana, Uwiteka aramwibuka. {1Samuel 1:19}

Igihe gisohoye Hana asama inda, bukeye abyara umwana w’umuhunguamwita Samuel ati ‘Kuko namusabye Uhoraho iteka.’ ”  {1Samuel 1: 20}

Ese nawe urababaye bigeze aho utekereza ko uhoraho iteka yakwibagiwe? Humura! Inzira yaciye mo igisubizo cya Hana, ntaho yagiye! Ahubwo ni Isaha itaragera!

Hana yajyaga yirirwa asenga asaba ko yatabarwa, Nawe jya ugerageza usenge Imana yawe! Ikindi kandi jya wihangana!!!!

N’ubwo Urusaku rw’inkuba rusakuza, burya ntacyo rwakugira!

Umwanditsi:  DUSHIMIMANA Samuel

IREBERE VIDEO NHYA YA NSHUTI IAN YISE URI IMANA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU