Perezida w’u Burundi Pierre Nkurunziza yagaragaye ari kumwe n’ikipe ye ya Alleluia FC mu Ntara ya Ngozi mu gihe abandi bakuru b’ibihugu bagize Umuryango wa Afurika y’Iburasurazuba, EAC, bari bateraniye i Arusha muri Tanzania mu nama ya 20 yabahuje kuri uyu wa Gatanu. 

Mu gihe abandi ba Perezida bo muri EAC bari bitabiriye inama Arusha, Perezida Nkurunziza yari yibereye mu mukino

Ku wa 1 Gashyantare 2019 Perezida Paul Kagame w’u Rwanda, Yoweri Museveni wa Uganda, Uhuru Kenyatta wa Kenya na John Pombe Magufuri wa Tanzania bitabiriye inama y’Umuryango wa Afurika y’Iburasirazuba yabereye i Arusha muri Tanzania.


Perezida Nkurunziza w’u Burundi yohereje Visi Perezida wa Mbere Gaston Sindimwo naho Perezida Salva Kiir Mayardit wa Sudani y’Epfo ahagararirwa na Minisitiri w’Ubucuruzi, Inganda n’Umuryango wa Afurika y’Iburasirazuba, Paul Moyom Akec.

Iyi nama yabanje kwimurwa ubugira kabiri, ku wa 30 Ukwakira 2018 no ku wa 27 Ukuboza 2018. Ubwa mbere byatewe n’uko u Burundi butayitabiriye, mu gihe abahagarariye ibindi bihugu bo bari bageze i Arusha.

Nk’uko bigaragara ku rukuta rwa rwa Radio na Televiziyo by’Igihugu, RTNB, kuri uyu wa Gatanu “Perezida wa Repubulika Pierre Nkurunziza yitabiriye umukino w’umupira w’amaguru wahuje ikipe ye Alléluia FC n’ikipe y’abakuze ya ABA kuri stade Urukundo i Buye mu Ntara ya Ngozi.”

Uwo mukino warangiye amakipe yombi anganyije igitego 1-1.

Inama ya EAC yari ifite igisobanuro gikomeye ku Burundi kuko abakuru b’ibihugu “bakiriye raporo y’umuhuza mu biganiro bihuje abarundi, Benjamin Mkapa, wahoze ari na Perezida wa Tanzania. Iyi nama yashimiye umuhuza ku musanzu yatanze muri ibyo biganiro mu gihe amaranye izi nshingano. Iyi nama yanzuye gukomeza gukorana ku biganiro bihuje abarundi.”

Ni ibiganiro byo gushakira umuti ibisigisigi by’imvururu zavutse mu 2015 ubwo Nkurunziza yari agiye kwiyamamariza manda ya gatatu yafashwe nk’inyuranyije n’Itegeko Nshinga, zicogora abaturage 360 000 bahunze igihugu naho abasaga 1000 bahasiga ubuzima.

Hari umwe mu badipolomate wabwiye Radio Mpuzamahanga y’Abafaransa ko Mkapa yasezeye nk’umuhuza muri ibyi biganiro, ku buryo “Perezida Museveni wa Uganda, Magufuli wa Tanzania na Kenyatta wa Kenya, bazakomeza kuganira bivuganira na Perezida Pierre Nkurunziza ubwe.”

Perezida Nkurunziza amaze igihe asaba EAC gutegura inama ku bibazo igihugu cye gifitanye n’u Rwanda, aho arushinja kuba inyuma y’abagamije kubuhungabanyiriza umutekano, binyuze mu gucumbikira abagerageje guhirika ubutegetsi bwa Perezida Pierre Nkurunziza mu 2015.

Perezida Nkurunziza yahagarariwe na Visi Perezida wa Mbere, Gaston Sindimwo (wicaye ari uwa kabiri iburyo)
Perezida Nkurunziza yahagarariwe na Visi Perezida wa Mbere, Gaston Sindimwo (wicaye ari uwa kabiri iburyo)

Muri iyi na ya Arusha ariko ntibyari ku murongo w’ibyigwa.

U Rwanda narwo rushinja u Burundi gushyigikira imitwe igamije kuruhungabanyiriza umutekano. Raporo y’Impuguke z’umuryango w’abibumbye mu kibazo cya RDC, mu Ukuboza umwaka ushize yagaragaje ko hari umutwe wa Kayumba Nyamwasa muri Congo, winjiza abarwanyi ndetse ugahabwa intwaro, byose binyuze i Bujumbura.

Muri iyo raporo hanavugwamo ubwoko bw’intwaro zagiye zinjira mu mitwe y’abarwanyi irwanya ubutegetsi bw’u Rwanda, zinyujijwe i Bujumbura.

Mu nama ya EAC kuri uyu wa Gatanu, nibwo Perezida Paul Kagame yashyikirijwe inshingano zo kuyobora Umuryango wa Afurika y’Iburasirazuba, EAC, asimbuye uwa Uganda Yoweri Kaguta Museveni.

Mu gihe abayobozi ba EAC bari mu nama, Perezida Nkurunziza yitabiriye umukino
Mu gihe abayobozi ba EAC bari mu nama, Perezida Nkurunziza yitabiriye umukino

IREBERE VIDEO NHYA YA NSHUTI IAN YISE URI IMANA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU