Perezida wa Uganda Yoweri Kaguta Museveni yazamuye mu ntera umuhungu we w’imfura Muhoozi Kainerugaba, amuvana ku ipeti rya General Major amugira Lieutenant General.

Muhoozi Kainerugaba umuhungu wa Perezida Museveni yazamuwe mu ntera

Lt Gen Kainerugaba w’imyaka 44 yazamuwe mu bandi basirikare 2,031 bazamuwe mu ntera na Perezida Museveni.


Mu 2016 Museveni yari yazamuye uyu muhugu we amugira General Major avuye ku ipeti rya Brigadier General, anahabwa kuyobora umutwe udasanzwe w’ingabo (Special Forces) ari nawo urinda perezida.

Mu bandi bazamuwe harimo umugore wa mbere wagizwe Lt Gen avanwe kuri General Major, witwa Prossy Nalweyiso.

Iri zamurwa mu ma peti kandi ryatumye abasirikare babiri bagirwa ba General, aba ni Ivan Koreta na Joram Mugume, 10 bashyishywa ku ipeti rya Lieutenant Geneneral, 16 bagirwa General Major naho 35 bagirwa ba Brig General.

Muhoozi Kainerugaba umuhungu wa Perezida Museveni yazamuwe mu ntera

Lt Gen. Muhoozi Kainerugaba yize igisirikare mu Bwongereza muri Royal Military Academy Sandhurst, yiga muri Leta zunze ubumwe za Amerika muri US Army Command and General Staff College akora n’indi myitozo muri Afurika y’Epfo, Misiri na Uganda.

Abakurikiranira hafi Politiki ya Uganda bavuze ko uburyo Museveni akomeje kuzamura uyu muhungu we, ari nk’uburyo bwo kumutegura kuzamusimbura ku butegetsi yagiyeho kuva mu 1986.

Muhoozi Kainerugaba umuhungu wa Perezida Museveni yazamuwe mu ntera
Muhoozi Kainerugaba yagizwe Lieutenant General

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU