Nzagupfira Epide 2, duherukana wa musore amanura ibirahuri by’imodoka yari atwaye, apepera Muhorakeye, gusa kuko uwo Mwali, yasaga n’uwataye umutwe ntiyabibonye.

Nzagupfira Episode 2 - Inkuru z'urukundo

Ibyo byatumye wa musore wasaga na Kivin asohoka muri iyo modoka, agenda asatira Muhorakeye!… amugeze ho, yasanze uwo mwana ari guhumeka Insigane, aramusuhuza, maze Muhorakeye aramubwira ati “Wakwihanganye nkakugora, maze ukandangira aho naca nambuka ko hano mbona hari guca imodoka nyinshi?” Uwo musore nawe ati “Yego ndabikora rwose, ariko se uri kujya he? wasanga aho uri kugana badaca muri iyi nzira!” Muhorakeye ati “oh! Nabyo Birashoboka, gusa bambwiye ko Ningera Nyabugogo, ntega imodoka ijya Gikondo, gusa Imodoka yatuzanye ntabwo yatugejeje muri Gare, ngo kuko nta byangombwa byuzuye yari afite, abamenyereye uyu mujyi batambutse kare, gusa njye ntakubeshye byancanze nukuri.”

Uwo musore aramubwira ati “Birumvikana! Kandi ibyo ni ibintu bisanzwe, nta n’ikosa ufite ahubwo rifite Shoferi kuko niwe wakuyobeje, rero niba ugiye Gikondo, ngwino nkugeze yo!” undi yabanje kugira impungenge ko yaba ari Umugizi wa nabi, cyangwa se akaba afite ibindi agamije, niko kumubwira ati “Murakoze, gusa mfite Tike(Ticket) ingeza yo, nashakaga unyereka aho bazitegera, ibindi ndiyeranja!” uwo musore yahise amubwira ati “Ihangane gato, mparike iriya modoka kuri iriya sitasiyo  ya risansi maze nze nkwereke aho ziba ziri.”

Yasize aho Muhorakeye, maze Nyuma y’imonota mike aba aragarutse, ati “Ngaho ngwino mpakwereke, zana ako ka Bag nkagutwaze,”  gusa Muhorakeye yasaga n’utarizera uwo musore. bageze muri Gare ya Nyabugogo, uwo musore yerekeje aho imodoka zijya Gikondo ziparika, maze atonda umurongo.

Dusubiye iwabo wa Muhorakeye: Nyirakuru yarari kwahira ubwatsi bw’Inka, gusa yasaga n’uri kure mu bitekerezo! Akomeza kwahira, haza guca Umusore nuko aramusuhuza, undi nawe amwikiriza agira ati “Mwaramutse neza mwana wa?” undi nawe ati “Yego Nyogoku, Nonese ko uri kubwiyahirira Muhorakeye yagiye he? ” uwo Mukecuru ati “wareka n’iki mwana wanjye, ubu ko Nanjye byanyobeye! Yagiye kwiga ariko ndabona atazansanga pe, nawe se ko mbona naniwe ku munsi wa mbere, aho Nyuma y’ukwezi sinzaba naragagaye? rwose kwiga ni byiza, ariko sinzi ko nzashobora iyi mirimo yo muri uru rugo!”

Uwo musore nawe ati “Ni ukwihangana, wenda ninjya mbona akanya, nzajya nsimbuka nkuzanire Ikiba cy’ubwatsi, buriya umwana si uw’umuntu umwe ahubwo ni uwa bose. Rero kuba Muhorakeye adahari ntibivuze ko uzicwa n’imirimo kandi duhari! ” uwo Mukecuru nawe ati “yooh nuko nuko mwana wa! Uri Imfura nka So rwose , reka nahire duke maze unshyirire  hejuru nzishyire ubu, wenda ndaza kugaruka icyi kime  kimaze kugabanuka.”

Ku rundi Ruhande, mu rugo rw’iwabo wa Kevin: Papa we yari yicaye ku ntebe, naho Mama  wa Kevin  ari kumufungira Imishumi y’Inkweto! Nuko Papa Kevin ati “Ariko Mama Dudu , ko udafunga vuba? Urashaka ko nkerererwa koko? Gira vuba ngende ahubwo ndabona ndi butege moto kuko n’iyo yihuta, ikindi kandi nabonye iriya nzira iri mo Urujya n’Uruza rw’Imodoka bityo Ishobora kumbangamira nkagera yo nkererewe, kandi nifuza ko ririya soko ritanca mu myanya y’intoki!”  Mama Dudu ati “ndarangije, Ngaho akira iki gikapu utakibagirwa kandi ugire Urugendo  Rwiza Mugabo Nkunda!… ”

Twigarukire aho Kevin na Muhorakeye bari : bicaye mu modoka itwara abagenzi , Ndetse bari kugenda baganira! uwo musore ati “Aho rero niho Nanjye niga, ahubwo se uzajya uba mu Kigo? ” Muhorakeye nawe ati “Sha Kevin, njyewe nzajya mba hanze ya Campus, gusa byanteye ubwoba rwose ariko ntakibazo kuko nzajya mba ndi kumwe na bagenzi banjye! Nonese wiga mu wa kangahe we?” Kevin ati “Ndajya mu wa 2. Ahubwo wandangaje nibagirwa kubwira Shoferi ngo ahagarare tuve mo.”

Yahise akomanga, imodoka igeze imbere yarahagaze bava mo, Ubundi berekeza kuri Kaminuza! Binjiye mu kigo, abanyeshuri bose babahanze amaso, kuburyo Muhorakeye yagize ubwoba, Niko guhita abaza Kevin ati “Ese ko batureba cyane?” undi amusubiza ko ari ibintu bisanzwe.

Muri ba bantu bari kwitegereza Kevin na Muhorakeye,  hari mo abakobwa babiri, umwe abwira mugenzi we ati “Baramugutwaye wo gacwa we, ubu se urabigira ute mwana? Ni ubwa mbere mbonye uriya musore ari kumwe n’umukobwa! Rero birantangaje!” mugenzi we ati “Umva njyewe ndabizi neza ko ari uwanjye, Urabona koko ndi mubi kuburyo uriya mukobwa usa n’umunyacyaro yantwara umusore nkunda? Wasanga uriya mukobwa ari uwo muri Famiye yabo wenda, gusa  ndaza kubaza Dudu numve! Ariko ubundi Emmerance ( Tuza koresha Emme) Kuki umbwiye utyo we? nigeze nkubwira ko nkunda Kevin?” Emmerance akubita agatwenge arangije ati “Winsetsa!  Ahubwo se ni inde utazi ko ukunda uriya musore? Keretse wenda utiga muri iki kigo. Naho ubundi birazwi peee! gusa Nicole Nshuti yanjye, wirinde gukabya hato utazaseba! Ese Ubundi wamuretse?…”

Mu nzira aho Papa Kevin ari: ari kugenda avugira kuri Telephone! Ati “Cherie ndagitsindiye, ubu zanzu zacu nizo zizaba amacumbi y’abanyeshuri ba kiriya kigo, ahubwo se simperuka Kevin yari yaje hano? Reka muhamagare numve ko ari ho akiri!”  yahise akupa uwo bari bari kuvugana, nuko ahamagara Kevin!…

Aho Kevin na Muhorakeye bari: Kevin yahise abona Se amuhamagaye, abanza kwanga kumwitaba! Nuko bigeze ho aramwitaba! Ati “Mwiriwe neza Daddy!” Papa Kevin ati “Harya ntiwambwiye ko ugiye Gikondo?” undi yamusubije agira ati “yego niho nari ndi, Ariko ubu ndi mu nzira ntaha, ahubwo Ndabona imbere hari Police niba ibyo mwashakaga kumbwira bitihutirwa mwanyihanganira, nkabanza nkagera murugo!” nuko undi nawe aramubwira ati “ntakundi reka ntege Moto.” Kevin yahise ashyira telephone ku ruhande, nuko Muhorakeye ati “Ese ko ubeshye Papa wawe? Ubwo abimenye ntiyakumerera nabi?” Kevin ati “Umva sha! Uyu musaza agira amahane, ubu wasanga yari agiye kumbwira ngo njye kumufata! kandi Reba aho ndi, rero mubwije ukuri ashobora kuntegereza akambura kandi uzi aho nasize  Imodoka! Ahubwo reka ntahe buriya tuzasubira ubutaha! ” Muhorakeye ati “eh, Menya Telephone utayikupye! Ndi kumva amahoni muri telephone!” Kevin arebye asanga nibyo! Ahita akupa! Ati “Mana weee! Noneho ndagowe! Ubu se ndamubwira ngwiki niba yanyumvise koko? Dore arampamagaye Nukuri!!!!!…..”

Iherezo rya Nzagupfira Episode 2

Umwanditsi : DUSHIMIMANA Samuel (Sam’Story)

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU