Nzagupfira Episode 3, duherukana Papa Kevin ahamagara umuhungu we, amubaza niba akiri Gikondo, gusa umusore yamusubije ko ari mu nzira ataha…

Nzagupfira Episode 3 - Inkuru z'urukundo

Twasoje Papa Kevin yongeye guhamagara umuhungu we… Kevin yahise amwitaba, ahita abwira Se ati “Daddy umbabarire! kuko ngerageje kukubeshya kandi bitansanzwe ho!”

Se aramubwira ati “Ntakibazo mwana wanjye, iyo myaka nanjye nayiciye mo! Rero sinakuveba, ariko nanone kubeshya si byiza! Uwo ni Nicole muri kumwe se sha? Ngaho mumpe musuhuze!”

Kevin ati “Murakoze cyane Daddy! Gusa ntabwo ari Nicole turi kumwe. Uwo turi kumwe yitwa Muhorakeye! Ni umunyeshuli mushya mu kigo cyacu, muguhe umusuhuze se Daddy?”

Papa Kevin ati: “Ntakibazo mumpe!”

Kevin yahise ahereza Telefone Muhorakeye! Muhorakeye ati “Muraho!” Papa Kevin ati “Uraho neza mwana wa? Amakuru?” Muhorakeye ati “Nimeza!” Papa Kevin ati “Nuko nuko, Ngaho nsubiza uwo musore , Ubwo azakuzane murugo uturamutse!”

Muhorakeye yasubije Kevin telefone! maze Kevin asezera se! Muhorakeye yahise abwira Kevin ati “Sha ufite umubyeyi mwiza ni ukuri!”

Kevin ati “Ehh! Uyu musaza ahinduka vuba nk’igicu cy’imvura! Gusa ubusanzwe arangwa n’Urugwiro, ndetse n’Ubugwaneza!”

Muhorakeye ati “Oh! Disi ndabikunze ! Nketse ko ari we wakomoye ho imicoufite! Sha rero reka njye kubaza aho Icumbi riri,Buriya tuzakomeza kuganira!…”

Tugarutse kuri ba bakobwa ari bo: Nicole, ndetse na Emmerance (Emme) baribahagaze mu kigo, bajya kubona babona Muhorakeye asohokanye na Kevin, gusa Kevin ahita asezera uwo mwana!

Nicole ati “Byanze bikunze, hari ikintu kihishe hagati ya Kevin n’uriya mutindikazi. None ngira inama nkore iki?”

Emmerance ati “Umva sha! erega wihangayikishwa n’ibyo ubona, kuko biriya ni bike! Ariko ubundi watuje? Umva uriya musore nta gahunda mufitanye! ndumva ugiye no kumubuza amahwemo boshye ko ari umugabo wawe!” Nicole yahise ahinduka mu maso abwira Emmerance ati “Koko Emme? Ni wowe umbwiye utyo?  burya uranyanga rwose!”

Emmerance ati “Ndarengana! Ahubwo se  ugire ngo hari incuti nziza nkanjye ugira? Nawe se ko witanga, ugakora ibishoboka byose kugira ngo umfashe, nakwanga ngamije iki koko? Naba nibagirwa vuba!” Nicole ati “Umva sha, hari icyo nshaka ko umfasha! Sibyo se Ncuti yanjye?…”

Ku rundi ruhande, iwabo wa Kevin; Mu uruganiriro rwabo, hicaye Kevin ndetse n’umukobwa w’Inkumi, uwo mukobwa abwira Kevin ati “Nonese washyize kuri Channel z’amafilme y’Ibihinde nkaba nirebera?” Kevin ati “Ahaa! Akira Vola, yobora!”  Ubwo yavugaga  telekomande ( Remote control ).

Papa Kevin nawe yahise asesekara aho, arabasuhuza ndetse ababaza aho Mama wabo ari , nuko bamusubiza ko ari Gutera Ipasi! Yahise avuga ati “Dudu, Reba muri Frigo ko nta kantu karimo unzanire ndumva icyaka kimereye nabi!”

Mu gihe Dudu yari ahagurutse, Mama Kevin nawe yahise aza, ahita abwira Dudu ati “Reka nyimwihere, Ndakuzi ubwo wasanga ushaka ko akugurira twa Chocola!” Dudu ati “Nonese Mammy ayinguriye byaba bitwaye iki?”

Undi ati “jya umenya ko wakuze di! Ubwo se ubona musaza wawe akirirwa muri ibyo?” Papa Kevin ati “Kevin we mwihorere! Uwa kubwira uwo bari bihugikakanye wa kumirwa!!!”

Dudu ati “Kagire Inkuru rero! Nonese Daddy nawe wabibonye? Njyewe nkunda kubabonana ariko nkicecekera!”

Mama Kevin ati “Ariko ku muri kumvangavanga! Ubu se Njye ndamenya ari nde muri Kuvuga?”

Dudu ati “Mbega Mama! Ni Nicole, wa mukobwa wo kwa Mayor(Umuyobozi wa karere).” Mama Kevin ati “ Ese ni uwo? Nimundekere umwana! Mwana wa rata komereza aho! Kuko Nicole ndamuzi rwose, ni umukobwa mwiza kandi aritonda!” Kevin yahise Aseka!

Papa Kevin ati: “Mbonye icyo mbarusha noneho! Uwo mukeka siwe rwose! Kuko ngo undi yitwa Muhorakeye!”

Mama Kevin ati “Muhorakeye? Uwo se kandi ni uwa he?”

Kevin ati “Mama, Muhorakeye ni umwana mushya ku kigo cyacu! Rero Papa yampamagaye turi kumwe, ni iyo mpamvu amuzi!!! ”

Mama Kevin ati  “ni uwa he se?”
Kevin ati “yambwiye ko iwabo ari i Muhanga mu murenge wa Nyabinoni!”
Mama Kevin ati “Nonese umukobwa wo muri icyo cyaro muri Gupanga ibiki? Nyabinoni koko?”

Papa Kevin ati “Ariko mama Kevin, Nyabinoni kuba ari mu cyaro si ikibazo kuburyo wabuza umuhungu wawe kuganira n’umuntu uhakomoka!”

Mama Kevin ati “Ngo si ikibazo? Gute atari ikibazo? Ubwo se urumva yagiye kumenya aho hose nta kintu kibyihishe inyuma? ”

Papa Kevin ati “n’iyo cyaba gihari Ariko kitabangamiye umuhungu wanjye ndumva nta kibazo cyaba kiri mo!”

Mama Kevin ati “Papa Kevin, uyu muhungu azarongora Nicole! Rero nta mpamvu yo guta umwanya ajya mu bandi kandi umukunzi we ahari.”

Papa Kevin ati “ Ariko Mama Kevin , iby’Umukunzi w’umuhungu wawe ntiwakabyinjiye mo! Kevin uzahite mo uwo uzashima ndagushyigikiye!!!…”

Tuve aho, twerekeze mu kandi gace, aho Emmerance ari : Yicaye ku ntebe ya Rujora (Intebe ndende zikozwe mu mbaho), imbere yehari igikapu ari kuzinga imyenda ayishyira muri icyo gikapu! Aho yarari hahise haza Umubyeyi uhetse umwana aramuza ati “ko uri gutekera iyo myenda se Ugiye he?” undi ati “Nicole hari ibyo yansabye ko namufasha! Ubu rero ni byo ngiye mo Mama!”

Mama Emmerance ati “Nicole? Nicole yagusabye kumufasha ibiki bituma utekera Imyenda ingana ityo? Nonese ko uhagurutse nturara aha?” undi ati “Mama Nicole yansabye kumufasha , rero sinari kubyanga!” uwo mubyeyi ati “yagusabye ibiki?”

IHEREZO Rya Nzagupfira Episode 3 

Umwanditsi: DUSHIMIMANA Samuel

IGITEKEREZO 1

TANGA IGITEKEREZO KURI IYI NKURU