Mu gihe Perezida Felix Tshisekedi byemejwe ko yatsinze amatora y’umukuru w’igihugu yo kuwa 30 Ukuboza 2018 muri Repubulika iharanira Demokarasi ya Congo ndetse akanarahirira kukiyobora, Martin Fayulu bari bahanganye muri aya matora utaremeye ibyavuyemo yitabaje Urukiko Nyafurika ngo rumurengere nyuma y’aho urushinzwe kurinda itegeko nshinga mu gihugu cye rutagize icyo rumumarira.

RDC: Martin Fayulu watsinzwe mu matora yitabaje Urukiko Nyafurika

Iminsi 15 nyuma y’irahira rya Felix Tshisekedi, Martin Fayulu watsinzwe amatora yamaze kugeza ikirego mu Rukiko Nyafurika rw’Uburenganzira bwa Muntu n’Abaturage nk’uko byatangajwe na Fidele Babala, Umunyamabanga Mukuru Wungirije w’ishyaka MLC rya Pierre Bemba ndetse akaba n’umuvugizi w’ihuriro LAMUKA Fayulu yari abereye umukandida.


Fidele Babala yavuze ko uru rukiko rwagiye ruhamya ibindi bihugu ibyaha bifitanye isano no kwiba amatora, akaba yizeye ko mu bubasha bwarwo ruzagira imyanzuro n’ibyemezo rufatira Repubulika iharanira Demokarasi ya Congo kugirango hubahwe ukuri kw’ibyavuye mu matora.

Iyi nkuru dukesha Jeune Afrique ikomeza ivuga ko uyu muvugizi wa Lamuka asanga biteye isoni kwemera intsinzi ya Felix Tshisekedi kw’uruhande runini rw’Umuryango Mpuzamahanga nyuma y’aho Urukiko rushinzwe kurinda Itegeko Nshinga rwemereje ibyatangajwe na Komisiyo y’amatora.

Ni icyemezo cyamaganwe na Martin Fayulu ushinja uru rukiko kimwe na komisiyo y’amatora gukorera mu kwaha kw’umuntu n’ubutegetsi bw’igitugu butubaha amategeko y’igihugu cyangwa amahame ya demokarasi.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU