Ubuyobozi bw’ikipe ya Manchester United bwahaye umutoza wabo w’agateganyo, Ole Gunnar Solskjaer, ikizamini gikomeye mbere yuko bamugira umutoza mukuru w’iyi kipe.

Solskjaer yahawe ikizamini gikomeye n'ubuyobozi bwa Manchester United

Ole Gunnar Solskjaer yasabwe gusezerera ikipe ya PSG mu mikino ya 1/16 cya UEFA Champions League niba ashaka akazi gahoraho, kugira ngo bahite bamuha amasezerano yo kuba umutoza mukuru.


Mu gihe gito amaze muri Manchester United, Ole Gunnar Solskjaer yakoze agashya ko kuba umutoza wa mbere nyuma ya Matt Busby ushoboye gutsinda imikino 9 ye ya mbere, ibi bikaba byaratumye benshi basaba ubuyobozi kumuha akazi burundu.

Umunya-Norway Solskjaer wahawe ikizamini gikomeye ahanzwe amaso na benshi kuko yagaruye Manchester United mu ruhando rw’amakipe ashobora kurangiza mu makipe 4 ya mbere muri Premier League.

Biravugwa ko umuyobozi wa Manchester United, Ed Woodward yaganiriye na Solskjaer akamwemerera ko azamuha amasezerano yo kuba umutoza mukuru naramuka asezereye ikipe ya PSG.

IREBERE VIDEO NHYA YA NSHUTI IAN YISE URI IMANA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU