Tanasha yavuze ijambo riruta ayandi yabwiwe na Diamond, ko yakwima amatwi ibyo abona bivugwa ku mbuga nkoranyambaga kuko benshi muribo harimo abatamwifuriza ibyiza.

Tanasha yatangaje ijambo riruta ayandi yabwiwe na Diamond rizakomeza urukundo rwabo ubuziraherezo

Tanasha Donna kuri ubu uri mu rukundo na Diamond n’umukobwa w’umunyamakuru ukorera radiyo yitwa NRG yakoreraga muri Kenya.


Nyuma yuko uyu mukobwa amenyanye n’uyu muhanzi yatangaje ko byari ibintu bikomeye ndetse ko yiyumvishaga ko bitashoboka bitewe nuko kubwe yumvaga gukundana n’umusitari atabyishimira. Mu kiganiro aherutse kugirana na Kiss 100 yavuze ko yabanje kugira ubwoba bitewe n’ibintu bavugaga kuri Diamond ku mbuga nkoranyambaga bigatuma ahoza ku  nyeke Diamond amubaza ibibazo umusubirizo.

Yagize ati” Najyaga kumva nkumva ngo akundana n’uyu mukobwa nabimubaza akamakanira ,nkumva ngo yabyaranye n’uyu mukobwa akamakanira akambwira ko bamubeshyera gusa naje kumenya ukuri nsanga koko hari ababa bafite inyungu zabo bifuza kumusebya.”

Tanasha yakomeje avuga ko nyuma yuko amubajije ibibazo byinshi bijyanye n’ubuzima bwe bwite yaboneyeho gufata umwanya amusaba ko yareka kumva amabwire kuko ibyo bidashobora kubaka urukundo rwabo.

Yarambwiye ati” ukomeje kujya wumva amabwire ubona ku mbuga nkoranyambaga ,mu bitangazamakuru ushobora gusanga tutakiri kumwe kuko bavuga ibyo bashaka, icyo nagusaba nukwima amatwi buri kimwe bamvugaho kuko hari abatishimira ko nkundana nawe.”

Tanasha yatangaje ijambo riruta ayandi yabwiwe na Diamond rizakomeza urukundo rwabo ubuziraherezo

Yasoje avuga ko nyuma yo kumubwira ijambo riruta ayandi, ko ryamwubatse, aheraho afata umwanzuro wo kutazongera kumva amabwire ndetse no kureka kureba ibibera ku mbuga nkoranyamba kuko ngo byabateranya.

Twakwibutsa ko Diamond yakundanye na Tanasha nyuma yuko atandukanye n’abagore 2 barimo Zari Hassan ,Hamisa Mobetto ndetse na Wema Sepetu wabaye nyampinga wa Tanzania mu mwaka wa 2006.

IREBERE VIDEO NHYA YA EESAM YISE WOWE GUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU