Ubwiza bw’ikirunga bushobora kugaragazwa n’imiterere yacyo, haba mu butumburuke, ibiyaga bikigaragaraho,ubwiza bw’ibigikikije n’ibindi bikurura ba Mukerarugendo.

Urutonde rw'ibirunga 10 kw'isi bikurura ba Mukerarugendo

Urutonde rw’ibirunga 10 binogeye ijisho kurusha ibindi turarukesha ikinyamakuru Petitfute.com, aho kigaragaza ibi birunga, agace biherereyemo ndetse na make ku mateka yabyo.


1. Le Vésuve:

Urutonde rw'ibirunga 10 kw'isi bikurura ba Mukerarugendo

Ni ikirunga cyo mu Butaliyani gifite ubutumburuke bwa 1 281m, ni kimwe mu birunga biri ku butaka ku mugabane w’u Burayi, kikaba giheruka kuruka mu 1944. Iki kirunga kandi cyavutse mu mwaka wa 79, ubwo habagaho isenyuka ry’imijyi ya Pompéi, Herculanum, Oplontis na Stabie.

Kubera uburyo iki kirunga gisurwa cyane na bamukerarugendo, mu mwaka wa 1995, cyagizwe pariki y’igihugu.

2. Le Bromo:

Urutonde rw'ibirunga 10 kw'isi bikurura ba Mukerarugendo

Iki kirunga nacyo gishyirwa ku rutonde rw’ibirunga byiza ku Isi, ku isonga ry’iki kirunga hari ikiyaga (Lac de cratère) gifite metero 800 z’umurambararo.  Iki kirunga kikaba giherereye muri Indonesie.

3. Fugi:

Urutonde rw'ibirunga 10 kw'isi bikurura ba Mukerarugendo

Ni ikirunga cyo mu Buyapani, kikaba gifite ubutumburuke bwa metero 3776, kikaba ku rutonde rw’ibirunga byazimye, kuko giheruka kuruka mu mwaka wa 1707.

4. Nyiragongo:

Urutonde rw'ibirunga 10 kw'isi bikurura ba Mukerarugendo

Ni ikirunga cyo muri Repubulika Iharanira Demokarasi ya Congo, kikaba gifite ubutumburuke bwa metero 3,470, ku ruhererekane rw’imisozi ya Virunga, irimo na pariki ya Virunga. Iki kirunga kiri mu birunga bikiruka kuva mu mwaka wa 2002.

5. Cotopaxi:

Ni ikirunga kiri mu biruka, kikaba kibarizwa muri Equateur n’ubutumburuke bwa metero 5897, n’ubwo gishyirwa ku rutonde rw’ibirunga binogeye ijisho ariko na none ni ikirunga cy’ibyago byinshi ku bagituriye.

Bwa mbere iki kirunga cyarutse mu mwaka wa 70. Ubwo giheruka, cyaturutse mu mpera za Kanama 2015, kigera muri Mutarama 2016 kikiruka.

6. Kilimandjalo:

Urutonde rw'ibirunga 10 kw'isi bikurura ba Mukerarugendo

Ni umusozi muremure wo muri Tanzania ariko ugizwe n’ibirunga bitatu “Kibo”, “Mawenzi” na “Shira” ariko byazimye [Bitakiruka] ufite ubutumburuke bwa metero 5,895. Uyu musozi wa Kilimandjaro niwo muremure muri Afurika ukaba usurwa n’abaturuka hirya no hino ku Isi.

7. Kawah Ijen:

Urutonde rw'ibirunga 10 kw'isi bikurura ba Mukerarugendo

Ni ikirunga giherereye mu Burasirazuba bw’Ikirwa cya Java muri Indonesie, iki kirunga kiriho ikiyaga gifite amazi y’icyatsi ariko y’uburozi, ni nacyo kirunga cya mbere gifite amazi ya aside mbi cyane, iki kiyaga gifite uburebure bwa metero zisaga 1000 n’ubugari ba 600m.

8. Irazu:

Urutonde rw'ibirunga 10 kw'isi bikurura ba Mukerarugendo

Ni ikirunga cyo muri Costa Rica ariko kitari kirekire cyane mu butumburuke, kikagira umwihariko wo kugira ibiyaga (Lacs de cratère)  byinshi, amazi yabyo akaba asa n’icyatsi.

9. Maelifell:

Urutonde rw'ibirunga 10 kw'isi bikurura ba Mukerarugendo

Ni ikirunga kiri ku kirwa cya Island, giteretse nk’umutemeri ariko kikaba kimwe mu birunga byavutse mu rubura.

10. Popocatépetl:

Urutonde rw'ibirunga 10 kw'isi bikurura ba Mukerarugendo

Ni ikirunga kikiruka cyo Mexique, gifite ubutumburuke bwa matero 5,636, iki kirunga cyahereye mu mwaka wa 2004 kiruka gihagarara mu 2018.

TANGA IGITEKEREZO KURI IYI NKURU